សៀមរាប៖ នៅក្នុងបរិវេណសាលាបឋមសិក្សា​ហ៊ុន​សែនរលួស​ នាព្រឹកថ្ងៃទី០២ខែកញ្ញាឆ្នាំ​២០២០​នេះ លោកសូរ ប្លាតុង អភិបាលស្រុកប្រាសាទបាគងបាននាំយកអំណោយរបស់សប្បុរសជន ឈ្មោះ លោក ឈួន លន់ និងក្រុមគ្រួសារ​ ជាអាជីវករលក់ដូរនៅផ្សាររលួស​ ផ្តល់ជូនតាមរយះ​ រដ្ឋបាល​ស្រុកប្រាសាទបាគង ក្នុង១គ្រួសារទទួលបានអង្ករ៥០ គីឡូក្រាមនិង​ ថវិកា០១ម៉ឺនរៀល។ដោយឡែក​សិស្សានុសិស្សចំនួន៤០នាក់ ក្នុងម្នាក់ទទួលបានថវិការចំនួន០១ម៉ឺន​រៀល​ផងដែរ។អំណោយរបស់សប្បុរសជន បានយកមកចែកជូនដល់​ចាស់ជរា​ ស្ត្រី​ម៉េម៉ាយ​ ជនពិការ និងគ្រួសារបងប្អូនប្រជាពលរដ្ឋ ដែលមានជីវភាពខ្វះខាតចំនួន ៩០គ្រួសារ​។ជំនួសមុខ​អោយ បងប្អូនប្រជាពលរដ្ឋ​ លោកអភិបាលស្រុក សូរ ប្លាតុង បានថ្លែងអំណរអរគុណចំពោះសប្បុរសជនខាងលើដែលបានជួយចែករំលែក​ ជួយគ្នាក្នុងគ្រាជួបការលំបាក នឹងបានក្រើន​រំលឹក អោយបងប្អូនប្រជាពលរដ្ឋ​ បន្តយកចិត្តទុកដាក់​ ថែរក្សាសុខភាពអោយបានល្អ​ ដោយធ្វើអនាម័យកន្លែងរស់នៅជាប្រចាំ​​ កំចាត់ជម្រកមូសខ្លា ដើម្បីប​ង្ការខ្លួន​ពី​ជំងឺគ្រុនឈាម​ គ្រុនឈិក និង បន្តអនុវត្ត​ វិធានការ​បង្ការទប់ស្កាត់​ ជំងឺកូវីត​១៩ ​របស់ក្រសួងសុខាភិបាល​ ដើម្បីរួមគ្នាប្រយុទ្ធប្រឆាំង​ កុំអោយជំងឺកូវិដ១៩ឆ្លងចូលសហគមន៍យើងផងដែរ ៕