សៀមរាប៖សេចក្តីរាយការណ៍បានឲ្យដឹងថា រថយន្តសាំយ៉ុងដឹកទំនិញ (ចាបហួយ)
មួយគ្រឿងបានបោះពួយក្នុងល្បឿនលឿនបណ្ដាលឲ្យផ្ទុះកង់ក្រោយក្រឡាប់ ហើយអ្នកបើកបរដែលមានវ័យ១២ឆ្នាំ បានស្លាប់ខណៈបញ្ជូនដល់មន្ទីរគុន្ធបុប្ផានិងរបួសមនុស្ស២នាក់។
ហេតុការណ៍នេះបានកើតឡើងនៅវេលាម៉ោង១៧ និង០០នាទីថ្ងៃទី១៦ ខែសីហា ឆ្នាំ២០២១ នៅក្នុងភូមិតានី ឃុំរុនតាឯក ស្រុកបន្ទាយស្រី លើផ្លូវជាតិលេខ ៦៧។
សមត្ថកិច្ចស្រុកបន្ទាយស្រី បានឲ្យដឹងថា រថយន្តមួយគ្រឿងម៉ាក សាំងយ៉ុង ពណ៌ សំបកឪឡឹក ពាក់ផ្លាកលេខ កំពង់ចាម 2A-4506 បេីកបរដោយឈ្មោះ ឆៃ យ៉ា ភេទ ប្រុស អាយុ ១២ឆ្នាំ រស់នៅភូមិដំដែក ឃុំដំដែក ស្រុកសូទ្រនិគម ខេត្តសៀមរាប និងអ្នករួមដំណើរ០២នាក់ ៖១. ឈ្មោះ ប្រុប ពៅ ភេទប្រុស អាយុ ១៦ឆ្នាំ មានទីលំនៅភូមិគោកមន ឃុំដំដែក ស្រុកសូទ្រនិគម ខេត្តសៀមរាប ២. ឈ្មោះ កែក ឈួយ ភេទប្រុស អាយុ ២១ឆ្នាំ មានទីលំនៅភូមិត្រពាំងស្វាយ ឃុំស្វាយលើ ស្រុកស្វាយលើ ខេត្តសៀមរាប។ បេីកបរមានទិសដៅពីជេីងទៅត្បូង (រថយន្តខាងលើដឹកអីវ៉ាន់ចាប់ហួយ)។សមត្ថកិច្ចបន្តថា ហេតុការណ៍នេះនេះបណ្តាលឲ្យ ស្លាប់អ្នកបើកបរម្នាក់ឈ្មោះ ឆៃ យ៉ា ក្រោយពេលបញ្ជូនទៅដល់មន្ទីរពេទ្យគន្ធបុប្ផា។រងរបួសស្រាលចំនួន ០២នាក់(អ្នករួមដំណើរ)និងខូចខាតរថយន្តចំនួន ០១ គ្រឿង (ធ្ងន់)។សមត្ថកិច្ចបញ្ជាក់ថា មូលហេតុបើកបរក្នុងល្បឿនលឿនបណ្តាលឲ្យផ្ទុះកង់ក្រោយទាំងពីរ។បច្ចុប្បន្នកម្លាំងនគរបាលជំនាញបានអូសរថយន្តបង្កហេតុទៅកាន់អធិការដ្ឋាននគរបាលស្រុកបន្ទាយស្រី ដើម្បីចាត់ការទៅតាមផ្លូវច្បាប់៕ដោយ៖វាយោ