ខេត្តសៀមរាប៖​នៅថ្ងៃសៅរ៍​ ១៣កើត​ ខែស្រាពណ៍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២១ ខែសីហា ឆ្នាំ២០២១ លោក ជុន កុសល ប្រធានផ្នែកព័ត៌មាន និងលោក ហឿន សុភ័ក្រ អនុប្រធានផ្នែកព័ត៌មាន តំណាងលោក ហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប បាននាំយកអំណោយមួយចំនួនជូនលោក ឡុង លី ដើម្បីដោះស្រាយក្នុងជីវភាពបានមួយគ្រា​ ដែលលោកមានជម្ងឺប្រចាំកាយ (ជម្ងឺទឹកនោមផ្អែម) ហើយទើបនឹងធ្វើការកាត់ជើងម្ខាង។

+ អំណោយដែលត្រូវប្រគល់ជូនរួមមាន៖

⁃ ម៉ាស់ ១ប្រអប់

⁃ មី ១ កេស

⁃ ត្រីខ ១យួរ

⁃ អង្ករ ២៥គីឡូក្រាម

⁃ ស្កស ១គីឡូក្រាម

⁃ ទឹកត្រី ១យួរ

⁃ ទឹកស៊ីអ៊ីវ ១យួរ

⁃ ប៊ីចេង​ ១កញ្ចប់

⁃ អំបិល ១គីឡូក្រាម

⁃ ថវិកា ១០០,០០០រៀល

ក្នុង​នោះ​ផងដែរលោក ជុន កុសល បានមានមតិសំណេះសំណាល ផ្តាំផ្ញេីលោក ឡុង លី សូមមេត្តាយកចិត្តទុកដាក់ថែទាំសុខភាព និងប្រុងប្រយ័ត្នអោយបានខ្ពស់ក៏ដូចជារក្សាអនាម័យ​ ហេីយជាពិសេសសូមចូលរួមអនុវត្តន៍តាមការណែនាំរបស់ក្រសួងសុខាភិបាល​ និងរាជរដ្ឋាភិបាល​ នូវវិធានការ (៣កុំ ៣ការពារ) ឲ្យបានខ្ជាប់ខ្ជួនដើម្បីជៀសផុតពីមេរោគកូវីដ-១៩៕