សៀមរាប៖ កាលពីថ្ងៃទី១៩ ខែវិច្ឆិកា ឆ្នាំ២០២១ កងរាជអាវុធហត្ថខេត្តសៀមរាប និងកម្លាំងជំនាញ កងរាជអាវុធហត្ថលើផ្ទៃប្រទេស បានចុះបង្ក្រាបឃាត់ខ្លួនមន្រ្តីយោធាផ្កាយ១ ម្នាក់ នៅត្រង់ចំណុចភោជនីយដ្ឋាន ស្យាមស៉ីហ្វូត ស្ថិតក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប រួចបញ្ជូនទៅរាជធានីភ្នំពេញដើម្បីចាត់វិធានការបន្ត។
បើតាមសមត្ថកិច្ចខេត្តសៀមរាបបានឲ្យដឹងថា មន្រ្តីយោធាដែលត្រូវបានឃាត់ខ្លួនខាងលើឈ្មោះ អូន ពិសិដ្ឋ ភេទប្រុស អត្តលេខ ០១៣៩៧៥ ឋានន្តរសក្ដិ ឧត្ដមសេនីយ៍ត្រី ដែលសង្ស័យជាប់ពាក់ព័ន្ធពីបទ “រក្សាទុក និងជួញដូរអាវុធដោយខុសច្បាប់” ដែលបានប្រព្រឹត្ដនៅឯខេត្ដបាត់ដំបងកន្លងមក ។ប្រភពពីសមត្ថកិច្ចបន្តថា ជនសង្ស័យត្រូវបាននាំខ្លួនទៅបញ្ជាការដ្ឋានកងរាជអាវុធហត្ថខេត្ដសៀមរាប រួចបញ្ជូនទៅរាជធានីភ្នំពេញ ដើម្បីសាកសួរ និងបន្តនីតិវិធី ។
ជុំវិញករណីនេះដែរសមត្ថកិច្ចកំពុងដុតដៃដុតជើងដើម្បីស្រាវជ្រាវករណីខាងលើនេះឱ្យបានដល់ឫសគល់៕ដោយ÷ភក្តី
