ភ្នំពេញ៖ កាលពីម្សិលមុិញ ថ្ងៃទី០២ធ្នូ មានករណីបុរសជាប្ដីបានអារកសម្លាប់ប្រពន្ធខ្លួនឯងនៅក្រុងសៀមរាប រួចបានរត់គេចខ្លួនមកភ្នំពេញ ហើយពេលនេះបុរសជាឃាតកត្រូវបានកម្លាំងនគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងនគរបាលខេត្តសៀមរាប និងកម្លាំងនគរបាលខេត្តកណ្ដាល ឃាត់ខ្លួនបានហើយនៅវេលាម៉ោង ០២និង២០នាទីរសៀល ថ្ងៃទី០៣ ខែធ្នូ ឆ្នាំ២០២១ នៅត្រង់ចំណុចរង្វង់មូលព្រះនរាយណ៍ សង្កាត់ដើមមៀន ក្រុងតាខ្មៅ ខេត្តកណ្ដាល ។
ជនសង្ស័យមានឈ្មោះ ធួក ឈាត អាយុ ៤៣ឆ្នាំ មានមុខរបររត់ម៉ូតូកង់បី ។ចំណែកជនរងគ្រោះជាប្រពន្ធដែលស្លាប់មានឈ្មោះ សូ ចន្ធី ភេទស្រីអាយុប្រហែល៤០ឆ្នាំ ។
តាមរបាយការណ៍បានឲ្យដឹងថា ជនសង្ស័យបានសារភាពថា មូលហេតុគឺដោយសារតែរឿងប្រច័ណ្ឌ ។
សូមរំលឹកផងដែរ ករណីឃាតកម្ម ប្តីអារកសម្លាប់ប្រពន្ធខ្លួនឯងនេះបានកើតឡើងកាលពីវេលាម៉ោង១រសៀលថ្ងៃទី០២ ខែធ្នូ ឆ្នាំ២០២១ ស្ថិតនៅក្បែរផ្សារដើមក្រឡាញ់ ភូមិទក្សិណខាងត្បូង សង្កាត់គោកចក ក្រុងសៀមរាប៕
បច្ចុប្បន្ន កម្លាំងនគរបាលព្រហ្មទណ្ឌក្រសួង បានប្រគល់ជនសង្ស័យទៅឲ្យកម្លាំងនគរបាលខេត្តសៀមរាប ដើម្បីបន្តនីតិវិធីតាមផ្លូវច្បាប់។ដោយ÷ធារ៉ា
