ខេត្តសៀមរាប÷ ក្រុមហ៊ុន TADA ជាកម្មវិធី APP ហៅកង់បី រឺ ឡានសម្រាប់ជិះរយ:ចម្ងាយខ្លីបានចុះអនុស្សរណៈ ជាមួយវិទ្យាស្ថានវ៉ាន់ដា ដើម្បីជួយសម្រួលដល់ការធ្វើដំណើររបស់សិស្សនិស្សិតទាំងអស់នៅខេត្តសៀមរាប។
ពិធីចុះ MOU ខាងលើនេះ ប្រព្រឹត្តទៅនៅព្រឹកថ្ងៃសុក្រ ទី២១ ខែមករា ឆ្នាំ២០២២នេះ នៅវិទ្យាស្ថានវ៉ាន់ដាខេត្តសៀមរាប ដោយមានការចូលរួមពីគណៈគ្រប់គ្រងបុគ្គលិក សាស្ត្រាចារ្យ តំណាងក្រុមហ៊ុន TADA និងសិស្សនិស្សិតជាច្រើនរូបបានអញ្ជើញចូលរួមផងដែរ។
ពិធីចុះអនុស្សារណៈយោគយល់គ្នាធ្វើឡើងក្នុងគោលបំណងផ្តល់នូវអត្ថប្រយោជន៍ជាច្រើនពីក្រុមហ៊ុន MVL TADA Cambodia ជូនដល់សិស្សនិស្សិតវិទ្យាស្ថានវ៉ាន់ដា ដូចជាការផ្តល់ជូននូវ Promotion Code បញ្ចុះតម្លៃ 20% សម្រាប់ការធ្វើដំណើរតាម APP របស់ TADA រយៈពេល៦ខែ និងការប្រគល់អាហារូបករណ៍ថ្លៃសិក្សាដល់និស្សិតចំនួន ០២រូប ព្រមទាំងប្រគល់កៅអីថ្មសម្រាប់អង្គុយលេងចំនួន ១០កៅអី ហើយចុងក្រោយក៏បានប្រគល់ Coupon ដល់សិក្ខាកាមទាំងអស់ដែលចូលរួមផងដែល៕ ដោយ ភក្តី
