សៀមរាប៖សមត្ថកិច្ចមូលដ្ឋានបានឲ្យដឹងថា បុរសវ័យចំណាស់ជនជាតិអាមេរិកម្នាក់ បានដេកស្លាប់ បង្កភ្ញាក់ផ្អើលនៅម៉ោង១៨និង០០នាទីថ្ងៃទី០៩ខែកញ្ញាឆ្នាំ២០២០នៅចំណុចផ្ទះជួលមួយកន្លែងស្ថិតនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
អធិការនគរបាលក្រុងសៀមរាប គឺលោកវរសេនីយ៍ឯក ណុប សារ៉ាក់ បានឲ្យដឹងនៅថ្ងៃទី១០នេះថា ជនរងគ្រោះឈ្មោះ LAMBERT WILLIAM JACK ភេទប្រុស អាយុ៧៦ ឆ្នាំ ជនជាតិអាមេរិក កាន់លិខិតឆ្លងដែន៥៤៦២៧០៩៨២ ជាភ្ញៀវទេសចរស្នាក់នៅទីតាំងកើតហេតុខាងលើ។លោកបន្តថា ផ្អែកតាមការស្រាវជ្រាវរបស់សមត្ថកិច្ចជំនាញ និង លោកវេជ្ជបណ្ឌិត អ៊ិត ឆបឆរត្ន័គ្រូពេទ្យអមតុលាការបានសន្និដ្ឋានថា ជនរងគ្រោះស្លាប់ដោយសារជំងឺមហារីកសួតដំណាក់កាលចុងក្រោយ។ បច្ចុប្បន្នសាកសពត្រូវបានសមត្ថកិច្ចរៀបចំបញ្ជូនទៅតម្កល់បណ្ដោះអាសន្ននៅវត្តទឹកថ្លារាជធានីភ្នំពេញដើម្បីរង់ចាំការសម្រេចពីក្រុមគ្រួសារនិងស្ថានទូត៕
