សៀមរាប៖សមត្ថកិច្ចបានឲ្យដឹងថា រថយន្តលុចស៊ីស Ls460បានបោះពួក្នុងល្បឿនលឿនជ្រុលទៅបុកម៉ូតូវ៉េវ បណ្តាលឲ្យកុមារីម្នាក់ស្លាប់និងរបួសធ្ងន់ស្រាល៣នាក់។ហេតុការណ៍បង្កការភ្ញាក់ផ្អើលនេះបានកើតឡើងនៅវេលាម៉ោង១៧និង១០នាទីថ្ងៃ ទី១១ខែកញ្ញាឆ្នាំ២០២០ត្រង់ចន្លោះបង្គោលគីឡូលេខ៣៩៧ ៣៩៨ ភូមិស្ទឹងឃុំបាគងស្រុកប្រាសាទបាគង ខេត្ត សៀមរាប។លោកវរសេនីយ៍ឯក លឹមសម្បត្តិ អធិការនគរបាលស្រុកប្រាសាទបាគង បានឲ្យដឹងថា មានរថយន្តម៉ាកលុចស៊ីស Ls460ពណ៌សពាក់ផ្លាក់លេខភ្នំពេញ2X 39 95 បើកបរដោយឈ្មោះ ហេង សេងហាំងភេទប្រុសអាយុ២០ឆ្នាំនៅភូមិជ្រាវសង្កាត់ជ្រាវក្រុងសៀមរាប ខេត្តសៀមរាប។បានបើកបរមានទិសដៅពីកើតទៅលិចប៉ះទង្គិចនិងម៉ូតូមួយគ្រឿងម៉ាកវេវសេ១១០ ពណ៌ក្រហមពាក់ផ្លាកលេខសៀមរាប 1D 42 91 បើកបរដោយឈ្មោះ ស៊ឹម ពេជ្រ ភេទប្រុសអាយុ៣១ឆ្នាំនៅភូមិបង្កោងឃុំអំពិលស្រុកប្រាសាទបាគងខេត្ត សៀមរាប (របួសស្រាល)ដែលបើកបរដឹកប្រពន្ធនិងកូន២នាក់១ ប្រពន្ធឈ្មោះ តាយ តាន់ អាយុ៣៦ឆ្នាំ(របួសស្រាល)២ កូន ឈ្មោះ ពេជ្រ មូនិកា ភេទស្រីអាយុ៦ខែ (ស្លាប់)៣ ឈ្មោះ ពេជ្រ មូលីកុដ្ឋ ភេទស្រី អាយុ៦ឆ្នាំ (របួសធ្ងន់)បើកបរមានទិសដៅពីកើតទៅលិចឆ្លងផ្លវទៅជើង។មូលហេតុអ្នកបើកម៉ូតូឆ្លងផ្លូវខ្វះការប្រុងប្រយ័ត្ន។បច្ចុប្បន្នវត្ថុតាងត្រូវបានអូសយកមករក្សាទុកនៅអធិការនគរបាលដ្ឋាន នគរបាលស្រុកប្រាសាទបាគង ដើម្បីចាត់ការតាមផ្លុវច្បាប់៕