សៀមរាប៖សមត្ថកិច្ចបានឲ្យដឹងថា មានករណីគ្រោះថ្នាក់ចរាចរណ៍មួយបានកើតឡើងដែលបង្កឡើងដោយរថយន្តកាមរីបាឡែន បុកជាមួយម៉ូតូក្នុងទិសដៅបញ្ច្រាសគ្នា បណ្តាលឲ្យ២នាក់ប្តីប្រពន្ធរងរបួសធ្ងន់ហើយត្រូវសមត្ថកិច្ចដឹកបញ្ជូនទៅមន្ទីរពេទ្យ។ហេតុការណ៍នេះកើតឡើងនៅវេលាម៉ោង១០:៣០នាទីថ្ងៃទី១២ខែកញ្ញាឆ្នាំ២០២០ចំណុចខាងកើតបន្ទាយមូលដ្ឋានកងរាជអាវុធហត្ថក្រុងសៀមរាបប្រហែល៣០០ម៉ែត្រស្ថិតនៅភូមិអញ្ចាញ សង្កាត់ នរគធំ ក្រុងសៀមរាប ខេត្តសៀមរាប។ សមត្ថកិច្ចបានឲ្យដឹងថា មានគ្រោះថ្នាក់ចររាចរណ៍០១ករណីបង្កឡើងដោយរថយន្តនិងម៉ូតូដោយបើកបញ្រ្ចាសទិសគ្នា។រថយន្តបង្កម៉ាកកាមេរីដែលមានស្លាកលេខសៀមរាប(២D.៩២៩៤)បើកបរដោយឈ្មោះតន់ អៀត ភេទប្រុសអាយុ៣៧ឆ្នាំ រស់នៅ ភូមិ ត្រពាំងខ្នារ ឃុំស្វាយលើ ស្រុកស្វាយលើ ខេត្តសៀមរាប។ចំណែកម៉ូតូជនរងគ្រោះដែលមានស្លាកលេខសៀមរាប ១AI.៣៣ ០៥.C.១២៥ ពណ៍ខ្មៅ(០១៩)បើកបរដោយឈ្មោះប្រុក ង៉ោល ភេទប្រុស អាយុ ៣៥ឆ្នាំរស់នៅ ភូមិ តាហាន ឃុំស្វាយលើ ស្រុកស្វាយលើ ខេត្តសៀមរាប(ប្តី)របួសធ្ងន់ និងប្រពន្ធឈ្មោះ ហឿម ពៅ ភេទស្រី អាយុ ៤៨ឆ្នាំ របួសធ្ងន់។ បច្ចុប្បន្នជនរងគ្រោះបានបញ្ជូនទៅសំរាកនៅមន្ទីពេទ្យសឹង រិទ្ធីរ៉េតហើយរថយន្តនិងម៉ូតូបានប្រគល់ឲ្យកម្លាំងនរគបាលចររាចរណ៍ខេត្តសៀមរាបធ្វើការតាមនិតិវិធី៕ដោយ៖ប្រុសខ្មៅ