ខេត្តសៀមរាប៖កម្លាំងនគរបាលផ្នែកព្រហ្មទណ្ឌក្រុងសៀមរាប សហការណ៍ ពីកម្លាំងប៉ុស្តិ៍នគរបាលរដ្ឋបាលស្វាយដង្គំ និងកម្លាំងប្រជាការពារ ដឹកនាំដោយលោកវរសេនីយ៍ឯក ដា ចំរេីន អធិការក្រុងសៀមរាប បានឃាត់ខ្លួនជនសង្ស័យចំនួន០២នាក់ ពាក់ព័ន្ធនឹងករណី អំពើលួច( លួ,ចម៉ូតូ ) និងប្រើប្រាស់ដោយខុសច្បាប់នូវសារធាតុញៀន។
លោកវរសេនីយ៍ឯក ដា ចំរេីន អធិការក្រុងសៀមរាប បានឲ្យដឹងថា នៅថ្ងៃទី០៥ ខែមករា ឆ្នាំ២០២៣ វេលាម៉ោង០១:៤៥នាទី ស្ថិតនៅ បរិវេណរបងផ្ទះមុខបន្ទប់ជួល ក្នុងភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប មានករណីអំពើលួចម៉ូតូម៉ាកហុងដាឌ្រីមស៊េរីឆ្នាំ២០២២ ពណ៌ខ្មៅ របស់ជនរងគ្រោះឈ្មោះ ស.ស.យ.រ.ស. ភេទប្រុស អាយុ២៥ឆ្នាំ រស់នៅភូមិកើតហេតុបង្កឡើងដោយជនសង្ស័យជាមនុស្សប្រុស ពាក់មួកការពារពណ៌ខ្មៅ ពាក់អាវរងារដៃវែង និងស្លៀកខោជើងវែង ខណៈជនរងគ្រោះទុកម៉ូតូមុខបន្ទប់ដោយមិនបានចាក់សោរ កម៉ូតូ ក្រោយពីលួ,ចបានជនសង្ស័យបានយកខ្សែចងទ្វារបន្ទប់ជនរងគ្រោះពីខាងក្រៅ រួចអូសម៉ូតូចេញទៅបាត់ ក្រោយពីទទួលបណ្តឹងពីជនរងគ្រោះ សមត្ថកិច្ចយើងក៏ដាក់ការសង្ស័យទៅជនសង្ស័យខាងលើ ដែលជនរងគ្រោះបានបណ្តេញចេញឈប់ឱ្យជួលបន្ទប់ស្នាក់នៅបន្ត ។ បន្ទាប់មកកម្លាំងយើងក៏បានស្វែងរកជនសង្ស័យខាងលើនេះឃើញ ហើយយកមកសួរនាំ ក្រោយពីសួរនាំជនសង្ស័យបានឆ្លើយសារភាពថាខ្លួនពិតជាបានលួ,ចម៉ូតូដូចការរៀបរាប់ខាងលើពិតមែន ។ រីឯម៉ូតូជនសង្ស័យបានយកឱ្យបក្ខពួកម្នាក់ទៀតជិះ ។
លោកបន្ថែមថា យោងតាមចម្លើយជនសង្ស័យឈ្មោះ អាយ ម៉េងហ៊ង បានឆ្លើយសារភាពថាខ្លួនលួចម៉ូតូបានអោយបក្ខពួកឈ្មោះ ខាន់ គន្ធា ហៅក្លូ ជិះយកទៅលក់ ។ លុះដល់នៅថ្ងៃទី០៦ ខែមករា ឆ្នាំ២០២៣ សមត្ថកិច្ចក៏បានស្វែងរកជនសង្ស័យឈ្មោះ ខាន់ គន្ធា ហៅក្លូ បាននៅចំណុចមុខផ្សារអង្គរយើង ក្នុងភូមិគ្រួស សង្កាត់ស្វាយដង្គំ ក្រុងសៀមរាប ហើយនាំខ្លួនយកមកសួរនាំ។ ក្រោយពីសួរនាំជនសង្ស័យបានឆ្លើយសារភាពថា ខ្លួនពិតជាបានពិគ្រោះគ្នាពីការលួចម៉ូតូ ។ ក្រោយពីជនសង្ស័យឈ្មោះ អាយ ម៉េងហ៊ង លួចម៉ូតូបាន ខ្លួនក៏បានយកម៉ូតូទៅឱ្យបក្ខពួកផ្សេងទៀតយកទៅលក់បន្ត ហើយមកទល់ពេលនេះខ្លួនមិនទាន់បានទទួលប្រាក់ពីបក្ខពួកនោះទេ ។
លោកបញ្ជាក់ថា ឃាត់ខ្លួនជនសង្ស័យចំនួន ០២នាក់ រួមមាន៖
០១/ឈ្មោះ អាយ ម៉េងហ៊ង ភេទប្រុស អាយុ២៩ឆ្នាំមុខរបរមិនពិតប្រាកដ មានស្រុកកំណើតនៅភូមិពាងសាលា ឃុំស្អាងភ្នំ ស្រុកស្អាង ខេត្តកណ្តាល បច្ចុប្បន្នស្នាក់នៅភូមិគ្រួស សង្កាត់ស្វាយដង្គំ ក្រុង/ខេត្តសៀមរាប។០២/ឈ្មោះ ខាន់ គន្ធា ហៅក្លូ ភេទប្រុស អាយុ៣៨ឆ្នាំមុខរបរកម្មករសំណង់ មានស្រុកកំណើត នឹងទីលំនៅបច្ចុប្បន្នភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប (មុខសញ្ញាធ្លាប់ជាប់ពន្ធនាគារ)។
លោកបញ្ជាក់ទៀតថា វត្ថុតាងដកហូតបាន ម៉ូតូរបស់ជនសង្ស័យឈ្មោះ ខាន់ គន្ធា ហៅក្លូ ម៉ាកToday ពណ៌លឿងទុំ គ្មានផ្លាកលេខ ។សមត្ថកិច្ចបានធ្វើតេស្តស្វែងរកសារធាតុញៀនលើជនសង្ស័យខាងលើទាំងពីរនាក់ លទ្ធផល វិជ្ជមាន ( ជាតំរុយមេតំហ្វេតាមីន ) ។
ជនសង្ស័យខាងលេី ត្រូវបានកសាងសំណុំរឿង បញ្ជូនទៅកាន់សាលាដំបូងខេត្តសៀមរាប ដេីម្បីចាត់ការតាមនីតិវិធីច្បាប់ ។ប្រសិនបើបងប្អូនប្រជាពលរដ្ឋជួបបញ្ហារអ.សន្តិ.សុខ សូមទាក់ទងមកលេខប្រចាំការ២៤ម៉ោង/២៤ម៉ោង☎️ ០៩៧ ៧៧៨ ០១២៣/០១២ ៤៦០ ៥៧០៕ដោយ៖សេរី
