ខេត្តសៀមរាប៖សោកស្ដាយណាស់នាឱកាសចូលឆ្នាំចិនវៀតណាមនេះ ….នៅវេលាម៉ោង១៥និង៣០នាទីថ្ងៃទី២១ខែមករាឆ្នាំ២០២៣ មានអគ្គិភ័យឆាបឆេះដេប៉ូសាំងតេលានៅចំណុចភូមិស្ពានជ្រាវ សង្កាត់សៀមរាប ក្រុងខេត្តសៀមរាប ដែលមានម្ចាស់ទីតាំងឈ្មោះម៉ៃចាន់ណា ភេទស្រីអាយុ៣៨ឆ្នាំ មានទីលំនៅកើតហេតុខាងលើ។
សមត្ថកិច្ចបានឲ្យដឹងថា ការខូចខាត ឆេះប្រេងសាំងអស់ចំនួន៤០០លីត្រ,ឆេះសម្ភារៈលក់ដូរ ថូផ្កា កូនជ្រូក ប៊ិចនិងសៀវភៅអស់មួយចំនួនធំ។សមត្ថកិច្ចបញ្ជាក់ថា ពុំមាននរណាម្នាក់គ្រោះថ្នាក់នៅក្នុងករណីអគ្គិភ័យនេះទេ។សមត្ថកិច្ចបានប្រើប្រាស់ឡានទឹកអស់ចំនួន៥គ្រឿង ទើបអាចពន្លត់ចប់សព្វគ្រប់នៅវេលាម៉ោង១៦និង២០នាទី។សមត្ថកិច្ចបញ្ជាក់ទៀតថា មូលហេតុដែលបណ្តាលឲ្យឆាបឆេះនេះគឺដោយសាររថយន្តដឹកសាំងរបស់ក្រុមហ៊ុនមកបញ្ចូលសាំងក្នុងស្តែន ខ្វះការប្រុងប្រយ័ត្ន។
សូមបងប្អូនជនរួមជាតិមេត្តាបង្កើនការប្រុងប្រយ័ត្នចំពោះភ្លើងទៀននិងក្នុងឱកាសចូលឆ្នាំចិននិងវៀតណាម នេះ៕AFN
