ខេត្តរតនគិរី÷ ក្នុងរយះពេល៣ថ្ងៃ ចាប់ពីថ្ងៃទី២១ ដល់ថ្ងៃទី២៣ ខែមករា ឆ្នាំ២០២៣ នៃពិធីបុណ្យចូលឆ្នាំចិន-វៀតណាមមានភ្ញៀវទេសចរជាតិ-អន្តរជាតិសរុបចំនួន ៤,២៥៥នាក់ ក្នុងនោះភ្ញៀវអន្តរជាតិមានចំនួន១៣០នាក់ ភ្ញៀវជាតិ ៤,១២៥នាក់ គឺមានការកើនឡើង ៤.៩៨%។
នេះបើតាមរបាយការណ៍របស់មន្ទីរទេសចរណ៍ខេត្តរតនគិរីឲ្យដឹងនៅរសៀល
ថ្ងៃទៅ២៣ ខែមករា ឆ្នាំ២០២៣។
របាយការណ៍ដដែលបានបញ្ជាក់ថា កត្តាជម្រុញឲ្យមានការកើនឡើងនៃចំនួនភ្ញៀវទេសចរនេះគឺ ដោយសារប្រទេសកម្ពុជាមានសុខសន្តិភាពពេញលេញ បានធ្វើឲ្យប្រជាពលរដ្ឋខ្មែរមកពីតាមបណ្តាខេត្តនានា បានមកកំសាន្តនៅខេត្តរតនគិរី នៅក្នុងឱកាសចូលឆ្នាំចិន-វៀតណាមនេះ។
ជាមួយគ្នានេះ អាជ្ញាធរខេត្តក៏បានរៀបចំឲ្យមានកន្លែងសប្បាយច្រើន និងតុបតែងភ្លើងលម្អរក្រុងបានស្អាតផងដែរ។ សម្រាប់សន្តិសុខសណ្ឋាប់ធ្នាប់សមត្ថកិច្ចការពារយ៉ាងយកចិត្តទុកដាក់បំផុត មិនមានបញ្ហាអ្វីកើតឡើង។ រីឯតម្លៃសេវាផ្សេងៗ ដូចជាសណ្ឋាគារ ម្ហូបអាហារក៏ពុំមានការឡើងថ្លែហួសហេតុដែរ។ ពីព្រោះក្រុមមន្រ្តី ជំនាញបានចុះទៅផ្សព្វផ្សាយណែនំាដល់អាជីវករទាំងអស់ មិនឲ្យដំឡើងថ្លៃជាប្រចាំ។
ហើយពិធីបុណ្យចូលឆ្នាំចិន-វៀតណាមឆ្នាំនេះប្រជាពលរដ្ឋក្នុងខេត្តក៏ មានការជួបជុំបងប្អូនមិត្តភក្តិជប់លៀងនៅតាមគេហដ្ឋាន ទីកន្លែងកំសាន្ត និង ច្រៀងខារ៉ាអូខេកំសាន្តជាលក្ខណៈគ្រួសារ ផងដែរ៕ ដោយ÷ សាវ័ន្ត
