ខេត្តសៀមរាប៖លោកវរសេនីយ៍ឯក ដា ចំរើន អធិការនគរបាលក្រុងសៀមរាប ដឹកនាំកម្លាំងផ្នែកព្រហ្មទណ្ឌ ឃាត់ខ្លួនជនសង្ស័យ ០១នាក់ ពាក់ព័ន្ធករណីអំពើលួច(កាត់ខ្សែភ្លើង) និងប្រើប្រាស់ដោយខុសច្បាប់នូវសារធាតុញៀន ។
នៅថ្ងៃទី២០ ខែកុម្ភះ ឆ្នាំ២០២៣ វេលាម៉ោង១៦:៣០នាទី ក្នុងភូមិថ្នល់ សង្កាត់ស្រង៉ែ ក្រុង/ខេត្ត សៀមរាប មានជនសង្ស័យមួយនាក់ បានធ្វើសកម្មភាពកាត់ខ្សែភ្លើងប្រភេទអាលុយមីញ៉ូម មានស្រោមជ័រពណ៌ខ្មៅ ទំហំ ២x៣៥ ប្រវែង១២០ម៉ែត្រ ចេញពីបង្គោលភ្លើងចំនួន ០៣បង្គោល ។ ពេលកំពុងធ្វើសកម្មភាពក៏ត្រូវអ្នកភូមិដែលនៅក្បែរនោះប្រទះឃើញ ហើយបានរាយការណ៍មកសមត្ថកិច្ច។ពេលសមត្ថកិច្ចចុះទៅដល់ បាននាំខ្លួនជនសង្ស័យខាងលើកយកមកសួរនាំ ហេីយបានឆ្លើយសារភាពថាពិតជាបានធ្វើសកម្មភាពលួចកាត់យកខ្សែភ្លើងខាងលើពិតប្រាកដមែន ។ករណីនេះសមត្ថកិច្ចកំពុងស្រាវជ្រាវរកជនរងគ្រោះ ។
ឃាត់ខ្លួនជនសង្ស័យ ០១នាក់ចំនួន ០១នាក់៖-ឈ្មោះ ជា ឆដា ហៅ តារាជ ភេទ ប្រុស អាយុ ៣០ឆ្នាំ មុខរបរ ជាងភ្លើង មានស្រុកកំណើត ភូមិសាលាកន្សែង ឃុំស្វាយដង្គំ ស្រុក/ខេត្តសៀមរាប ។ បច្ចុប្បន្នរស់នៅភូមិ សាលាកន្សែង សង្កាត់ ស្វាយដង្គំ ក្រុង/ខេត្តសៀមរាប (ធ្លាប់ជាប់មណ្ឌលកែប្រែ ករណីគ្រឿងញៀន ) ។ ពាក់ព័ន្ធករណីអំពើលួច(កាត់ខ្សែរភ្លើង) និង ប្រើប្រាស់ដោយខុសច្បាប់នូវសារធាតុញៀន ។វត្ថុតាងដកហូតរួមមាន៖ -ម៉ូតូ ចំនួន ០១គ្រឿងម៉ាកហុងដាឌ្រីម សេ១២៥ ពណ៌ ។ខ្សែភ្លេីង ប្រភេទអាលុយមីញ៉ូម ស្រោបស្រោមជ័រពណ៍ខ្មៅ ទំហំ ២x៣៥ ប្រវែង ១២០ម៉ែត្រ -ដង្កាប់ ចំនួន ០១, កន្រ្តៃកាត់ខ្សែរភ្លើងចំនួន ០១, ដង្កាប់កាត់ខ្សែរភ្លើងដងពណ៌បៃតងចំនួន ០១, ទុណឺវីសចំនួន ០១, ម៉ាឡេត ចំនួន០១, សោរខ្សៀរលេខ១០ ចំនួន០១, ប៊ិចឆែកភ្លើងចំនួន០២, កាំ/បិតហូតចំនួន០១, សោរសម្រាប់បើកប្រអប់ឌីសង់ទ័រចំនួន ០៤, ឧបករណ៍វាស់ភ្លើងចំនួន ០១ ។-ទូរស័ព្ទ ០១គ្រឿង ម៉ាក CAMFONE ពណ៌ ទឹកក្រូច ។
កម្លាំងនគរបាលក្រុងសៀមរាប បានធ្វើតេស្ដរកសារធាតុញៀនតាមរយះទឹកនោមទៅលើជនសង្ស័យខាងលើ លទ្ធផល (វិជ្ជមាន) ជាតំរុយ មេតំហ្វេតាមីន។ជនសង្ស័យខាងលើ ត្រូវបានកសាងសំណុំរឿង បញ្ជូនទៅកាន់ការិយាល័យជំនាញដើម្បីបន្តនីតិវិធី ៕
