ជនជាតិថៃ១ក្រុមកាប់ជនជាតិចិន២នាក់បណ្តាលឲ្យរបួសធ្ងន់ដោយសារភ្លើងគំនុំ ត្រូវសមត្ថកិច្ចក្រុងប៉ោយប៉ែត ចាប់ខ្លួន

ខេត្តបន្ទាយមានជ័យ៖សេចក្តីរាយការណ៍បានឲ្យដឹងថា បុរសជនជាតិចិន២នាក់រងរបួសធ្ងន់ដោយសារតែជនជាតិថៃ៣នាក់ ដេញតាមកាប់ដោយសារភ្លើងគំនុំ។ហេតុការណ៍នេះកើតឡើងនៅវេលាម៉ោង១១និង៣០នាទី ថ្ងៃទី២១ ខែមីនា ឆ្នាំ២០២៣ នៅចំណុចមុខវត្តផ្សារកណ្តាល ស្ថិតក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។

លោកវរសេនីយ៍ត្រី​ នួន​ នីណារ៉ូ​ មេបញ្ជាការមូលដ្ឋានកងរាជអាវុធហត្ថក្រុង​ប៉ោយប៉ែត បានចុះប្រតិបត្តិការណ៍ដល់កន្លែងកើតហេតុ បង្ក្រាបជនសង្ស័យជាជនជាតិថៃបានចំនួន៣នាក់ ដកហូតកាំបិតតាំងតោ១។លោកបានបញ្ជាក់ឲ្យដឹងបន្តទៀតថា ជនសង្ស័យទាំង៣នាក់​ ១ឈ្មោះ​ Soraprach Kiryapong ភេទប្រុស ជនជាតិថៃ ២ឈ្មោះ​ Supphachai Setteemut ភេទប្រុស ជនជាតិថៃ​ ៣ឈ្មោះ​ MONSAK AIMYOO ភេទប្រុស ជនជាតិថៃ ជនសង្ស័យទាំង៣នាក់ស្នាក់នៅបណ្តោះអាសន្នក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ លោកបានបញ្ជាក់ឲ្យដឹងបន្តទៀតថាដោយសាររឿងគំនុំមិនអាចអត់អោនឲ្យគ្នាបាន ជនសង្ស័យទាំង៣នាក់​ បានធ្វើសកម្មភាព ដោយយកកាំបិតប៉័ងតោកាប់ទៅលើជនរង គ្រោះទាំង២នាក់ ១ឈ្មោះ CHEN CHUN WEI ភេទប្រុស អាយុ៣៤ឆ្នាំ ជនជាតិចិន ២ឈ្មោះLIN CHUN FU ភេទប្រុស អាយុ៤៦ឆ្នាំ ជនជាតិចិន បណ្តាលឲ្យរងរបួសជាច្រើនកន្លែងធ្ងន់ ជនរងគ្រោះបានគេដឹកទៅសង្គ្រោះនៅមន្ទីរពេទ្យភ្លាមៗ។ ជនសង្ស័យទាំង៣នាក់បានសារភាពថា​ ពួកខ្លួនពិតជាបានធ្វេីសកម្មភាពកាប់ទៅលេីជនរងគ្រោះជាជនជាតិចិនពិតប្រាកដមែនដោយសាររឿងគំនុំ។ជនសង្ស័យបានបញ្ជូនមកបញ្ជាការដ្ឋានកងរាជអាវុធហត្ថខេត្តចាត់ការបន្តតាមនីតិវិធី៕