ខេត្តឧត្តរមានជ័យ៖យោងប្រសាសន៍ណែនាំផ្ទាល់ របស់ ឯកឧត្ដម ប៉ែន កុសល្យ ប្រធានគណៈកម្មាធិការបក្សខេត្ត នារសៀលថ្ងៃសៅរ៍ ទី៨ ខែមេសា ឆ្នាំ២០២៣លោក ផុន ចាន់និល ប្រធានគណ:កម្មាធិការបក្សក្រុង បានដឹកនាំក្រុមការងារយុវជនបក្សក្រុង ចូលរួមក្នុងពិធីសំណេះសំណាលជាមួយ ប្រជាពលរដ្ឋរងគ្រោះដោយខ្យល់កន្ត្រាក់ចំនួន៤៥គ្រួសារ និងគ្រួសារក្រីក្រខ្វះខាតជាសមាជិកបក្សចំនួន៥៥គ្រួសារ សរុប១០០គ្រួសារ ស្ថិតនៅភូមិអូរកន្សែង សង្កាត់សំរោង ក្រុងសំរោង ខេត្តឧត្តរមានជ័យ ក្រោមអធិបតីភាពដ៏ខ្ពង់ខ្ពស់ ឯកឧត្តម ទេសរដ្ឋមន្រ្តី កិត្តិសង្គហបណ្ឌិត គន់ គីម ប្រធានក្រុមការងារថ្នាក់ជាតិ ចុះជួយខេត្តឧត្តរមានជ័យ និងមានការចូលរួមពី ឯកឧត្ដមអភិបាលរងខេត្ត ,ឯកឧត្តម ហួត សុធី សមាជិកអចិន្ត្រៃយ៍បក្សខេត្ត ប្រធានក្រុមការងារថ្នាក់ខេត្ត ចុះជួយក្រុងសំរោង ព្រមទាំងសហការី ក្រុមការងារយុវជនបក្សក្រុង យុវជនបក្សសង្កាត់ ។
ក្នុងឱកាសសំណេះសំណាលនោះដែរ ឯកឧត្តម គណ:អធិបតី បានប្រគល់ជូនគ្រួសារនីមួយៗ នូវស្បៀង មានដូចជា៖ អង្ករ១ការ៉ុង មី១កេស ត្រីខ១យួរ ទឹកត្រី១យួរ ទឹកស៊ីអីវ១យួរ ទឹកសុទ្ធអរុណា១កេស ព្រមទាំងស័ង្កសីចំនួន ៥០០សន្លឹក សម្រាប់ចែកជូនប្រជាពលរដ្ឋ ជួសជុលការខូចខាតតាមស្ថានភាពជាក់ស្តែង ។ សម្ភារ ទទួលបានការចូលរួមដូចខាងក្រោម៖១. ឯកឧត្តម ទេសរដ្ឋមន្រ្តី កិត្តិសង្គហបណ្ឌិត គន់ គីម ប្រធានក្រុមការងារថ្នាក់ជាតិ ចុះជួយខេត្តឧត្តរមានជ័យ ឯកឧត្តម ប៉ែន កុសល្យ ប្រធានគណៈកម្មាធិការបក្សខេត្ត និងជាប្រធានក្រុមការងារយុវជនគណបក្សខេត្ត (អង្ករ១០០ការ៉ុង មី១០០កេស ត្រីខ១០០យួរ ទឹកត្រី១០០យួរទឹកស៊ីអ៉ីវ១០០យួរ និងទឹកសុទ្ធអរុណា១០០កេស ស័ង្កសី ប្រវែង៣.៥០ម៉ែត្រ ៥០០សន្លឹក និងដែកគោលស័ង្កសី ១០គីឡូក្រោម ។ គិតជាថវិកាសរុបចំនួន ២៧,៨០០,០០០រៀល៕
