បាត់ដំបង៖សមត្ថកិច្ចខេត្តបាត់ដំបង បានឲ្យដឹងថា មនុស្ស ៦នាក់ បានស្លាប់ និង៤នាក់ទៀតរងរបួស ក្នុងហេតុការណ៍គ្រោះធម្មជាតិ រន្ទះបាញ់ ខណៈកំពុងហូបបាយជួបជុំគ្រួសារ។ហេតុការណ៍នេះកើតឡើងនៅថ្ងៃទី១៧ ខែកញ្ញា ឆ្នាំ២០២០ វេលាម៉ោង១៨នឹង១៥នាទី នៅចំណុចភូមិបឹងធ្មួយ ឃុំព្រែកជីក ស្រុករុក្ខគិរី ខេត្តបាត់ដំបង។
សមត្ថកិច្ចបានឲ្យដឹងថា ជនរងគ្រោះដែលបានស្លាប់រួមមាន៖ ឈ្មោះ យ៉ុម ញុិក ភេទប្រុស អាយុ៥៦ឆ្នាំ, ឈ្មោះ ដាំ សុខណា ភេទស្រី អាយុ៥៦ឆ្នាំ (ជាភរិយាអ្នកស្លាប់ទី១), ឈ្មោះ យ៉ុម ចរិយា ភេទ ស្រី អាយុ ២៥ឆ្នាំ (ជាកូនបង្កើតអ្នកស្លាប់ទី១ និងទី២), ឈ្មោះ យ៉ុម រ៉ាវុធ ភេទ ប្រុស អាយុ ២៦ឆ្នាំ (ជាកូនបង្កើតអ្នកស្លាប់ទី១ និងទី២),ឈ្មោះ ធី អត់ស្គាល់ត្រកូលភេទប្រុស មកពីខេត្តបាត់ដំបង, ឈ្មោះ អន រិន ភេទប្រុសប្រុស អយុ ២៧ឆ្នាំ រស់នៅខេត្តបាត់ដំបង។ចំណេកអ្នករងរបួសរួមមាន៖ ឈ្មោះ វឿន វុត្ថា ប្រុសអាយុ ៤១ឆ្នាំ នៅរស់ មកពីបាត់ដំបង , ឈ្មោះ សើក សារស់ ភេទប្រុស អាយុ៤១ឆ្នាំ រស់នៅ ខេត្តបាត់ដំបង, ឈ្មោះ ហួត ហុង អាយុ៤៨ឆ្នាំ មកពីបាត់ដំបង និងឈ្មោះ ឃឿត សំណាង ប្រុស អាយុ២៥ឆ្នាំ រស់នៅភូមិបឹងធ្មួយ ឃុំព្រែកជីក ស្រុករុក្ខគិរី ខេត្តបាត់ដំបង។សូមចូលរួមសោកស្តាយនិងចូលរួមរំលែកទុក្ខដ៏ក្រៀមក្រំនេះចំពោះគ្រួសាររងគ្រោះផង៕ដោយ៖ដំបងគ្រញូង
