ស្រាប់តែមានមនុស្ស ១ក្រុមពុំស្គាល់ឈ្មោះ ជិះម៉ូតូហុងដា ពុំចាំសេរីឆ្នាំ  កាំបន្ទះពណ៌ស ធ្វើសកម្មភាពដេញកាប់ ដោយខ្វែវ និងដាវ  ទៅលើពួកគាត់  បណ្តាលអោយដួលរងរបួសទាំង២នាក់ ។ ក្រោយទទួលបានបណ្តឹងពីហេតុការណ៍ខាងលើ លោកអធិការ អធិការរង និងកំលាំងនគរបាលនៃអធិការដ្ឋាននគរបាលស្រុក សហការជាមួយកំលាំងប៉ុស្ដិ៍នគរបាលរដ្ឋបាលទាំង៩ប៉ុស្តិ៍ រួមជាមួយកំលាំងប្រជាការពារភូមិទាំង៩ឃុំ  ធ្វើការល្បាតប្រទាក់ក្រឡាគ្នា  រហូតដល់ម៉ោង១និង៣០នាទី ក៏ប្រទះឃើញមុខសញ្ញាក្មេងទំនើង១ក្រុមមានគ្នា១១នាក់ ជិះម៉ូតូ៥គ្រឿង  ក្នុងនោះមានកាន់ដំបង និងកាន់ខ្វែវ ប្រុងធ្វើសកម្មភាពកាប់អ្នកជិះតាមផ្លូវទៀត  ក៏ត្រូវបានសមត្ថកិច្ចយើងធ្វើការកាក់ត្រួតពិនិត្យ ប៉ុន្តែពួកគេបានជិះបុកប៉ារ៉ាស់រត់គេច   ហើយកំលាំងយើងបានដេញតាមឃាត់បាន២នាក់  រួមជាមួយដំបងនិងខ្វែវ យកមកធ្វើការសាកសួរ  និងនាំខ្លួនបន្តបាន៣នាក់ទៀត ។  តាមការស្តាប់ចម្លើយរបស់ជនសង្ស័យទាំង៥នាក់ខាងលើ បានឆ្លើយសារភាពថា ៖ នៅថ្ងៃទី១៣ខែមេសាឆ្នាំ២០២៣ ម៉ោង១និង០០នាទីរំលងអធ្រាត្រ ពួកខ្លួនរួមជាមួយបក្សពួក ៦នាក់ទៀត មាន១ឈ្មោះ សាន្ត ពិសិទ្ធ ភេទប្រុស , ២ឈ្មោះ ឆាន់ ឆេន ភេទប្រុស , ៣ឈ្មោះ នឿម យ៉ុន ភេទប្រុស  , ៤ឈ្មោះ  ឈួន សាមី ភេទប្រុស ,៥ឈ្មោះ លាំ លី ភេទប្រុស , ៦ឈ្មោះ ណន ផានិត ភេទប្រុស  , ឈ្មោះ ពិតបានធ្វើសកម្មភាពយកដាវ យកខ្វែវជិះម៉ូតូដេញកាប់លើជនរងគ្រោះឈ្មោះ ចិន និងឈ្មោះ អាន់ណាស៊ី តាមដងផ្លូវជាតិលេខ៦ ស្ថិតក្នុងភូមិស្វាយជ័យ ឃុំត្រពាំងធំ ស្រុកប្រាសាទបាគង ខេត្តសៀមរាប បណ្តាលអោយដួលម៉ូតូរងរបួស  ពិតប្រាកដមែន និងបានឆ្លើយសារភាពបន្តទៀតថា ៖ នៅថ្ងៃទី១២-០៤-២០២៣ វេលាម៉ោង១និង០០នាទី រំលងអធ្រាត្រ ពួកខ្លួនមានគ្នា៧នាក់ មានឈ្មោះ  សាវ ប៊ុន ឈ្មោះ គល់ កន , ឈ្មោះ សាន្ត ពិសិទ្ធ , ឈ្មោះ នឿម យ៉ុន , ឈ្មោះ ឆាន់ ឆេន , ឈ្មោះ លាំ  លី  , ឈ្មោះ  ឈួន សាមី ជិះម៉ូតូ៣គ្រឿង មានដាវ និងខ្វែវ ធ្វើសកម្មភាពដេញកាប់ លើជនរងគ្រោះឈ្មោះ  តាន់ ណូ និងឈ្មោះ ណាង ណូ (ហៅវណ្ណា) ភេទប្រុស តាមដងផ្លូវជាតិលេខ៦ មុខផ្សារម៉ាក្រូ ស្ថិតក្នុងភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប បណ្តាលអោយដួលម៉ូតូរងរបួសទាំង២នាក់ ពិតប្រាកដមែន ។  -មូលហេតុៈ ដែលពួកគេកាប់មិនរើសមុខ ដោយសារកន្លងមកមានគេធ្លាប់ដេញវាយពួកវា ។ វត្តតាងរួមមាន៖-ខ្វែវចំនួន១ -ដែកទីបជើងឆ័ត្រចំនួន២ -ខ្វែវអត់ដងចំនួន១។