ខេត្តសៀមរាប៖នៅព្រឹកថ្ងៃទី ២៦ ខែមេសា ឆ្នាំ២០២៣មានប្រារព្វពិធី សិក្ខាសាលា ស្តីពី «តួនាទី ភារកិច្ច និងក្រមសីលធម៌ វិជ្ជាជីវៈ អ្នកសារព័ត៌មាន» ដល់មន្ត្រីព័ត៌មាន និងអ្នកសារព័ត៌មានក្នុងខេត្ត ក្រោមអធិបតីភាពដ៏ខ្ពង់ខ្ពស់ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន។
ពិធីនេះធ្វើឡើងនៅសាលប្រជុំរដ្ឋបាលខេត្តសៀមរាប ដោយមានការអញ្ជើញចូលរួមពីសំណាក់អស់លោកលោកស្រី ប្រធានអង្គភាពជុំវិញខេត្តព្រមទាំងអ្នកសារព័ត៌មានជាច្រើននាក់ចូលរួមផងដែរ។ សិក្ខាសាលានេះគឺធ្វើឡើងដើម្បីពង្រឹងសមត្ថភាពដល់អ្នកសារព័ត៌មាន ឲ្យចេះអនុវត្តការងារទៅតាមសម័យកាលឌីជីថល ទំនើប និងឈានទៅរកការធ្វើព័ត៌មានប្រកបដោយវិជ្ជាជីវៈ៕AFN
