ខេត្តកំពង់ស្ពឺ៖សមត្ថកិច្ចបានឲ្យដឹងថា នៅយប់ថ្ងៃទី២ ខែឧសភា ឆ្នាំ២០២៣ វេលាម៉ោង១៩និង៣៥នាទី នៅតាមផ្លូវលំក្នុងភូមិកំពង់ល្វា ឃុំទំព័រមាស ស្រុកសំរោងទង ខេត្តកំពង់ស្ពឺ មានជនសង្ស័យបានធ្វេីសកម្មភាពយកដុំថ្មគប់កញ្ចក់រថយន្តអ្នកដំណេីរ-រថយន្ដដឹកកម្មករ-កម្មការិនី ដែលធ្វេីដំណេីរឆ្លងកាត់តាមភូមិសាស្រ្ដខាងលេីបណ្តាលអោយបែកកញ្ចក់ផ្នែកខាងមុខ ម្ចាស់រថយន្ដឈ្មោះ ជា សិទ្ធ ភេទប្រុស អាយុ២១ឆ្នាំ នៅភូមិកំពង់ល្វា ឃុំទំព័រមាស ស្រុកសំរោងទង ខេត្តកំពង់ស្ពឺ រថយន្តម៉ាកហុីយិនដាយ កូរ៉េពណ៌ស ពាក់ស្លាកលេខកំពង់ស្ពឺ 2A-8710 ។
ដោយបានការយកចិត្ដទុកដាក់និងចង្អុលការណែនាំដ៏ខ្ពង់ខ្ពស់ពី លោកឧត្ដមសេនីយ៍ទោ សម សាមួន ស្នងការនគរបាលខេត្ដ នាព្រឹកថៃ្ង៣ ខែឧសភា ឆ្នាំ២០២៣ លោកអធិការនគរបាលស្រុកសំរោងទង បានដឹកនាំកម្លាំងផ្ទាល់ចុះស្រាវជ្រាវនឹងឈានទៅឃាត់ជនសង្ស័យម្នាក់មានឈ្មោះ ហ៊ុន ហាន ហៅឡុញ ភេទប្រុស អាយុ២១ឆ្នាំ រស់នៅភូមិទឹកស្អុយ ឃុំទំព័រមាស ស្រុកសំរោងទង ខេត្តកំពង់ស្ពឺ ។ បច្ចុប្បន្នសមត្ថកិច្ចបាននាំជនសង្ស័យមកអធិការដ្ឋាននគរបាលស្រុកសំរោងទងដេីម្បីសាកសួរនិងចំណាត់ការតាមនីតិវិធីបបន្ត៕
