ខេត្តសៀមរាប៖លោកវរសេនីយឯក ទេព ពុំសែន អធិការនគរបាលស្រុកពួក បានឲ្យដឹងថា នៅថ្ងៃទី១៨ ខែមិថុនា ឆ្នាំ២០២៣វេលាម៉ោង៤និង១០នាទី មានករណីគ្រោះថ្នាក់ចរាចរណ៍រវាងរថយន្តក្រឡាប់ខ្លួនឯង និង កើតហេតុចំណុចបង្គោលលេខ៣៤០-៣៤១ ភូមិ ប៉ាក់ប៉ាន់ឃុំសសរស្តម្ភ ស្រុកពួក ។ករណីនេះបង្កដោយរថយន្តម៉ាក ពណ៌លឿងពាក់ផ្លាកលេខ ភ្នំពេញ3B-4999បើកបរពីទិសខាងកើតទៅទិសខាងលិច អ្នកបើកបរពុំស្គាល់អត្តសញ្ញាណរថយន្តបានក្រឡាប់ធ្លាក់ជ្រោះបណ្តាលឲ្យអ្នកជិះក្នុងរថយន្តចំនួន២៣នាក់របួសធ្ងន់ចំនួន៣នាក់ របួសមនុស្ស ១១នាក់ស្រី៤នាក់(ជនជាតិ៣ អាឡឺម៉ង់១នាក់ ឥណ្ឌា២នាក់) របួសស្រាលសង្គ្រោះនៅមណ្ឌលសុខភាពសសរស្តម្ភ-មិនមានរបួស១០នាក់។
លោកបន្តថា បានឲ្យដឹងថា នៅកន្លែងកើតហេតុមានខូចខាតរថយន្ត១ខូចខាតម៉ូតូ ១ ហើយមូលហេតុ អ្នកបើកបរងងុយដេក។
ក្រោយពេលកើតហេតុកម្លាំងជំនាញបានចុះវាស់វែងកន្លែងកើតហេតុ កសាងសំណុំរឿង និងដកហូតវត្ថុតាងពាក់ព័ន្ធរក្សាទុកនៅអធិការដ្ឋាននគរបាលស្រុកពួក៕ស.រ
