ភ្នំពេញ៖កម្លាំងសមត្ថកិច្ចប្រឆាំងបទល្មើសសេដ្ឋកិច្ច បានរកឃើញបាយក្ដាំងពិសេសចំនួន ៣ទីតាំងគ្មានច្បាប់ គ្មានអនាម័យដែលបាយក្ដាំងទាំងនោះ គ្មានអនាម័យ និងយកប្រេងកាកសំណល់មកបំពងថែមទៀត ស្ថិតនៅថ្ងៃទី១៨ខែមិថុនាឆ្នាំ២០២៣ ក្នុងដីឡូតិ៍គ្មានលេខ ផ្លូវបេតុង ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។
សមត្ថកិច្ចបានឲ្យដឹងថា កម្លាំងចម្រុះ សម្រេចអោយផ្អាកអាជីវកម្មជាបណ្ដោះអាសន្ន រង់ចាំធ្វើច្បាប់ និងរៀបចំកន្លែងអោយមានសោភ័ណភាព នឹងមានអនាម័យត្រឹមត្រូវ ទើបអនុញ្ញាតអោយដំណើរការឡើងវិញ។បញ្ជាក់មន្ដ្រីជំនាញ បានដកហូតសំណាកយកទៅមន្ទីរពិសោធន៍ ដើម្បីពិនិត្យរកមើលកំរិតមេរោគ និងសារធាតុគីមីហាមឃាត់ដាក់លើចំណីអាហារ៕AFN
