ខេត្តសៀមរាប៖បើតាមរបាយការណ៍បានឲ្យដឹងថា នៅថ្ងៃទី១ខែកក្កដាឆ្នាំ២០២៣នេះ សមាជិកសមាជិកានិងមហាជនប្រមាណជាង១ម៉ឺនាក់ បានចូលរួមដង្ហែរយុទ្ធនាការឃោសនាបោះឆ្នោតជ្រើសរើសតំណាងរាស្ដ្រអាណត្ដិទី៧នៃរដ្ឋសភា ។
យុទ្ធនាការនេះ ធ្វើឡើងនៅតាមបណ្ដោយផ្លូវ៦០ម ក្រុងសៀមរាប ក្រោមវត្ដមានសម្ដេចពិជ័យសេនា ទៀ បាញ់ ប្រធានក្រុមការងាររាជរដ្ឋាភិបាលចុះមូលដ្ឋានខេត្ដសៀមរាប ។
នាឱកាសនោះ សម្ដេចពិជ័យសេនា ទៀ បាញ់ មានប្រសាសន៍ថា ការជួបជុំគ្នាដង្ហែក្បួនឃោសនារកសម្លេងឆ្នោតនៅពេលនេះ គឺបង្ហាញអំពីការរួមនៃកម្លាំងសាមគ្គី ដែលកើតចេញពីសមាជិក សមាជិកា នៃគណបក្សប្រជាជនកម្ពុជា ហើយក៏ជាការបង្ហាញឲ្យឃើញនូវឧត្ដមភាព កិត្យានុភាពរបស់សមាជិកសមាជិកា ដើម្បីបង្ហាញដល់បងប្អូនប្រជាពលរដ្ឋ ក៏ដូចជាអ្នកពាក់ព័ន្ធនានា ឲ្យយល់ និងឃើញច្បាស់ អំពីកំលាំងសាមគ្គីដែលគណបក្សប្រជាជនកម្ពុជា បាននាំមកនូវភាពជោគជ័យ ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស ។ជាមួយគ្នានោះដែរ អ្នកចូលរួមក៍បានសម្ដែងមោទកភាព ដែលខ្លួនមានគណបក្សប្រជាជនកម្ពុជាដឹកនាំប្រទេស និងមានថ្នាក់ដឹកនាំល្អ ដែលធ្វើឱ្យប្រទេសជាតិមានការអភិវឌ្ឍន៍មានការរីកចំរើនជាបបន្ដបន្ទាប់។ ពួកគាត់បន្ដថា ប្រជាពលរដ្ឋមានក្តីសង្ឃឹម និងស្នាមញញឹម ដែលកើតចេញពីស្ថិរភាព សន្តិភាព និងការយកចិត្តទុកដាក់ពីរាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា។ពួកគាត់បានបន្ថែមថា ពួកគាត់នឹងទៅបោះឆ្នោតឲ្យមេដឹកនាំគណៈបក្សរបស់ខ្លួន ដែលបានបង្កើតឱ្យមានសន្តិភាព និងការអភិវឌ្ឍន៍ ដែលគ្មានគណៈបក្សណាអាចប្រៀបផ្ទឹមបាន។ពួកគាត់បានបន្ដថា សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានខិតខំលះបង់កម្លាំងកាយចិត្ត និងយកជីវិតទៅប្តូរ ដើម្បីស្វែងរកសុខសន្តិភាពជូនប្រជាជនកម្ពុជា។បើតាមប្រជាពលរដ្ឋបានលើកឡើងថា គណៈបក្សប្រជាជនកម្ពុជា បានធ្វើឱ្យពួកគាត់រួចជីវិតពីសម័យប៉ុលពត ហើយមានជីវភាពរស់នៅសមរម្យប្រកបដោយភាពកក់ក្ដៅបំផុតល់បច្ចុប្បន្ន។ដើម្បីរួមគ្នាអភិវឌ្ឍន៍ប្រទេសឲ្យកាន់តែប្រសើរ ពួកគាត់នឹងនាំគ្នាទៅបោះឆ្នោតជ្រើសរើសថ្នាក់ដឹកនាំដែលមានសមត្ថភាពគ្រប់គ្រាន់ដូចរាជរដ្ឋភិបាលបច្ចុប្បន្ននេះ ។ជាមួយគ្នានោះ ពួកគាត់ក៍បានអំពាវដល់យុវជនកុំដោយជឿការញុះញុងរបស់ពួកជនអគតិមួយចំនួន ដែលតែងចិញ្ចឹមចង់បំផ្លាញសុខសន្តិភាពដែលបានមកដោយលំបាករបស់រាជរដ្ឋាភិបាល៕AFN
