អាជ្ញាធរសង្កាត់ជ្រាវ ចុះពិនិត្យការជួសជុលផ្លូវគ្រួសក្រហម ពីផ្សារជ្រាវទៅទំនប់៧៨

សៀមរាប៖លោក គង់ ប៊ឹប ចៅសង្កាត់រងទី១នៃសង្កាត់ជ្រាវ បានឲ្យដឹងថា ផ្លូវទៅកាន់តំបន់កម្សាន្តទនប់៧៨ រងការខូចខាតជាអន្លើៗដោយសាររថយន្តធំ​ដែលកំពុងស្ថាបនាទឹកស្អាត បានដឹកសម្ភាៈផ្សេងៗចូលនិងរថយន្តពលរដ្ឋផងដែរ។ដូច្នេះហើយក្នុងនាមអាជ្ញាធរសង្កាត់បានតម្រូវឲ្យក្រុមហ៊ុនខាងលើនោះជួសជុលផ្លូវក្រាលគ្រួសក្រហមនេះឡើងវិញ ដើម្បីសម្រួលការធ្វើដំណើររបស់ពលរដ្ឋនិងភ្ញៀវទេសចរណ៍ ងាយស្រួលធ្វើដំណើរឡើងវិញ។លោកបន្តថា ផ្លូវការជួសជុលនេះធ្វើឡើងនាថ្ងៃទី២១ ខែកញ្ញា ២០២០នេះចាប់ពីចំណុច​ ផ្សារជ្រាវ រហូតដល់ទំនប់៧៨ ស្ថិតក្នុង សង្កាត់ជ្រាវ ក្រុង/ខេត្តសៀមរាប ដោយចំណាយទាំងស្រុងលើក្រុមហ៊ុនទឹកស្អាត៕អរគុណសន្តិភាព