ខេត្តកំពង់ឆ្នាំង៖ កម្លាំងសមត្ថកិច្ចចម្រុះខេត្តកំពង់ឆ្នាំង រួមទាំងប្រជាពលរដ្ឋ នៅព្រឹកថ្ងៃទី២៦ ខែកក្កដាឆ្នាំ២០២៣បានសហការគ្នាចុះស្វែងរកសព ប្ដីប្រពន្ធ២ នាក់ នៅចំណុចដែលជនរងគ្រោះបានត្រឡប់បាស្មាច់ ស្ថិតនៅក្នុងភូមិអន្លង់ក ញ្ចុះឃុំប្រឡាយមាស ស្រុកកំពង់លែង។
ក្រុមការងារចម្រុះបានឲ្យដឹងថា នៅវេលាម៉ោង៩ព្រឹក ថ្ងៃទី២៦ ០៧ ២០២៣សមត្ថកិច្ចបានរកកាណូតបាឡាស្មាច់របស់ជន រងគ្រោះឃើញហើយ បាឡាស្មាច់នោះមានប្រវែង ៧ ម៉ែត្រ។ និងនៅវេលាម៉ោង ជាង ១២ ថ្ងៃត្រង់សមត្ថកិច្ចជួលខ្មែរឥ ស្លាម មុជទឹករាវរកសពប្រទះឃើញសពស្ត្រីជាប្រពន្ធហើយ នៅក្បាលកោះម្ដុំកន្លែងកើតហើយ។
ចំណែកសពបុរសជាប្ដីមិន ទាន់រកឃើញទេសមត្ថកិច្ចកំពុងជួលខ្មែរឥស្លាមុចរាវរកបន្តទៀត។ នៅចំណុចកើតហេតុ ទឹកមានជម្រៅប្រមាណជា ៥-៦ ម៉ែត្រ ។
អ្នកបាត់ខ្លួនប្តីឈ្មោះ រ៉េន រិទ្ធ អាយុ ៣៩ ឆ្នាំ និង ប្រពន្ធដែលបានរកសព ឃើញឈ្មោះ អេង យ៉ឹម អាយុ ៤២ ឆ្នាំ មិនចេះហែលទឹក មានកូន ៤នាក់ នៅភូមិដំណា ក់កកោះ ឃុំពោធិ ស្រុកកំពង់ លែង។ កុមារា រងគ្រោះឈ្មោះ ប៉ុន បញ្ញាសក្តិ អាយុ ១២ ឆ្នាំ ដែលស្ថិតនៅក្នុងហេតុ ការណ៍ខ្យល់ព្យុះក្រឡាប់បាស្មាច់ជាមួយនិងឪពុកម្ដាយ បាននិយាយឲ្យដឹងថា នៅវេលាម៉ោង ៣-៤ យប់ថ្ងៃទី២៥ខែ កក្កដា ឆ្នាំ២០២៣ ឪពុកម្ដាយរបស់គាត់រួមទាំងរូបគាត់ បានជិះកាណូតបាឡាស្មាច់ ដើម្បីចាក់កណ្ដុរនិងគីង្គក់ យកទៅលក់ចិញ្ចឹ មជីវិត ។ ស្រាប់តែជួបនិងខ្យល់ព្យុះ ស្របពេលឪពុកគាត់បើកបត់បាឡា ក៍ក្រ ឡាប់បាឡាធ្លាក់ចូលក្នុងទឹក ។
ខណះនោះឪពុកបានព្យាយាមហែលទឹកសង្គ្រោះម្ដាយទាញអូសមកឡើងលើគោក ប៉ុន្តែដោយអស់ដៃ ឪពុកក៏បានលិចចូលក្នុងទឹក ។ ហើយកូនអាយុ ១២ ឆ្នាំ បានព្យា យាមអូសម្ដាយឡើងមកនៅលើគោក ជិតនឹងដល់ច្រាំងទៅហើយ ប៉ុន្តែដោយកម្លាំងមិនគ្រប់គ្រាន់ ធ្វើឲ្យម្ដាយរបូតចេញ លង់លិចចូលនៅក្នុងទឹក ។ កូនអាយុ១២ ឆ្នាំ បានព្យាយាមហែលមកកាន់ច្រាំង ហើយអ្នក ស្រុកនៅជិតត្រើយខាងកើតមានចម្ងាយប្រមាណ ២០០ ម៉ែត្រ បានចេញកាណូតទៅជួយសង្គ្រោះដែរតែជួយប្ដីហ្នឹងប្រពន្ធរងគ្រោះមិនបានឡើយ ។ប្រតិ្តបត្តិការខាងលើនេះ ក្រុមសមត្ថកិច្ចចម្រុះនៅរសៀលថ្ងៃទី២៦ ខែកក្កដានេះបាននិងកំពុងបន្តស្វែងរុករកសពប្ដីរងគ្រោះជាបន្ត៕MC
