ព្រះវិហារ៖លោក​ឧត្ដមសេនីយ៍​ទោ​សួស​ សុខដារ៉ា​ ស្នងការ​នគរបាល​ខេត្ត​ព្រះវិហារ បានឲ្យអ្នកកាសែតដឹងថា នៅថ្ងៃទី​២៤ ខែកញ្ញា ឆ្នាំ២០២០នេះ​សមត្ថកិច្ចជំនាញចុះស្រាវជ្រាវភ្លាមៗ ក្រោយបាន​ទទួលព័ត៌មានពីករណីបាត់មនុស្សដោយគ្មានមូលហេតុ ។លោកស្នងការបន្តថា បន្ទាប់ពីលោកមេភូមិស្ទឹងខៀវតេជោ​ ឃុំស្រអែម​ ស្រុកជាំក្សាន្ត​ ខេត្តព្រះវិហារ​​ រាយការណ៍ពីករណីបាត់មនុស្សកម្លាំងនគរបាលស្រុក​ជាំក្សាន្ត​ ចុះធ្វេីការការស្រាវជ្រាវ​ ស៊ើបអង្កេត​លេីករណីនេះ​ជា​បន្ទាន់​ជាលទ្ធផល​សមត្ថកិច្ច បានជីករណ្ដៅរកឃេីញសាកសពជនរងគ្រោះ​មាន​ ឈ្មោះ​ ហូយ​ ផល្លា​ ភេទស្រី​ អាយុ ៥៥ឆ្នាំ​ នៅចំណុចដីឡូតិ៍ផ្ទះរបស់ជនរងគ្រោះ​ផ្ទាល់ ក្នុងភូមិ-ឃុំខាងលើ ដោយជន​សង្ស័យ​ជាប្ដី​ ឈ្មោះ​ ស៊ិន​ ស៊ឺម ភេទប្រុស​ អាយុ ៥២ឆ្នាំ​ មុខរបរកងទព័​ រស់នៅភូមិឃុំកេីតហេតុ​ បានវាយសម្លាប់ក្នុងជម្លោះហិង្សាក្នុង​គ្រួសារ​ ។ ករណីនេះ កើតឡើងតាំងពីថ្ងៃទី​១៧ ខែកញ្ញា​ ឆ្មាំ២០២០​ វេលាម៉ោងប្រហែល​ ២១:៣០នាទី​យប់​ ។សមត្ថកិច្ចបានធ្វេីការឃាត់ខ្លួនជនសង្ស័យខាងលេី ដេីម្បីកសាងសុំរឿង​បញ្ជូនទៅសាលាដំបូងខេត្ត​ព្រះវិហារ​ បន្តនីតិវិធីច្បាប់៕ដោយ៖ភ្នំត្បែង