ភ្នំពេញ៖សមត្ថកិច្ចបានឲ្យដឹងថា មន្ត្រីនគរបាលម្នាក់ បានដកកាំភ្លេីងខ្លីបាញ់ជាងកាត់សក់ម្នាក់ បណ្តាលឲ្យស្លាប់ក្នុងថ្លុកឈាមយ៉ាងអណោចអធ័ម ដោយជំហានដំបូងសង្ស័យថាជារឿងទំនាស់ពាក្យសម្តី។
ហេតុការណ៍នេះបានកេីតឡេីងនៅវេលាម៉ោងប្រហែល ២២នឹង៤០នាទីថ្ងៃទី២៦ខែកញ្ញា ២០២០ នៅចំណុចមុខផ្ទះលេខ១៩ ផ្លូវលេខ២៩១ ក្រុម៥៨ ភូមិ១៣ សង្កាត់បឹងកក់ទី២ ខណ្ឌទួលគោក។ នគរបាល បានឲ្យដឹងថា ជនសង្ស័យមានឈ្មោះ លី ថារិយ ភេទប្រុស អាយុ២៩ឆ្នាំ ជនជាតិខ្មែរ មុខរបរនគរបាល ស្នាក់នៅផ្ទះជួលលេខ១៨ ផ្លូវលេខ២៩១ ក្រុម៥៨ ភូមិ១៣ សង្កាត់បឹងកក់ទី២ ខណ្ឌទួលគោក។ ជនរងគ្រោះឈ្មោះ សុខ ធូន ហៅ កេន ភេទប្រុស អាយុ ៣៦ឆ្នាំ ជនជាតិខ្មែរ មុខរបរជាងកាត់សក់ ស្នាក់នៅផ្ទះលេខ១៩ ផ្លូវលេខ២៩១ ក្រុម៥៨ ភូមិ១៣ សង្កាត់បឹងកក់ទី២ ខណ្ឌទួលគោក (ត្រូវជនសង្ស័យប្រើអាវុធខ្លីពុំស្គាល់ម៉ាកបាញ់ចំដើមទ្រូងធ្លាយទៅខ្នងចំហៀងខាងឆ្វេងស្លាប់នៅកន្លែងកើតហេតុ)។ ក្រោយកេីតហេតុជនសង្ស័យបានរត់គេចខ្លួនបាត់៕
