សៀមរាប៖យោងតាមរបាយការណ៍របស់អាជ្ញាធរក្រុងសៀមរាបបានឲ្យដឹងថា បន្ទាប់ពីទទួលបានសេចក្តីជូនដំណឹង បងប្អូនពលរដ្ឋគំរូមួយចំនួន បានស្មគ្រ័ចិត្តធ្វើការរុះរើ នូវសំណង់ របង សំយ៉ាបផ្ទះ និងសម្ភារៈផ្សេងៗ ដែលមានការប៉ះពាល់លើដីចំណីផ្លូវ ជាបន្តបន្ទាប់ ដែលសកម្មភាពនេះ បានបង្ហាញពីស្មារតីចូលរួមសហការ បើកផ្លូវតាមទំហំដែលបានកំណត់ ។
អាជ្ញាធរបានថ្លែងអំណរគុណ យ៉ាងជ្រាលជ្រៅបំផុត ចំពោះទឹកចិត្តរបស់បងប្អូនប្រជាពលរដ្ឋ ដែលបានចូលរួមគិតគូរ ពីផលប្រយោជន៍សាធារណៈ ក៏ដូចជាសង្គមជាតិយើង។
ការចូលរួមនេះ គឺជាការផ្តល់នូវភាពជាគំរូ ដល់បងប្អូនប្រជាពលរដ្ឋផ្សេងទៀត ដែលត្រៀមនឹងចូលរួម សហការ គាំទ្រគម្រោងសាងសង់ផ្លូវទាំង ៣៨ខ្សែក្នុងក្រុងសៀមរាប ដែលនឹងត្រៀមបើកការដ្ឋានសាងសង់ នាពេលដ៏ខ្លីខាងមុខនេះផងដែរ៕
