សៀមរាប៖សមត្ថកិច្ចបានឲ្យដឹងថា ផ្ទះប្រជាពលរដ្ឋមួយខ្នងសាងសង់ពីឈើលើ ថ្មក្រោម ប្រក់ដំបូលក្បឿង និងប្រាក់ដុល្លារចំនួន៥០០០ដុល្លារ ប្រាក់ខ្មែរចំនួន៣០លានរៀល សម្ភារគ្រឿងសង្ហារឹម និងសម្ភារប្រើប្រាស់មួយចំនួនធំ ត្រូវបានភ្លើងឆេះទាំងស្រុង។ នៅថ្ងៃទី៣០ ខែកញ្ញា ឆ្នាំ២០២០ នៅវេលាម៉ោង០៩ នឹង៣០នាទី ស្ថិតនៅក្នុងភូមិបេង ឃុំជីក្រែង ស្រុកជីក្រែង ខេត្តសៀមរាប។សមត្ថកិច្ចមូលដ្ឋានបានឲ្យដឹងថា ករណីអគ្គិភ័យបណ្តាលមកពីឆ្លងចរន្តអគ្គិសនី ឆាបដល់ធុងហ្គាសបណ្តាលឲ្យឆាបឆេះតែម្តង។ ជនរងគ្រោះ ឈ្មោះ បូ វុទ្ឋី ភេទប្រុស អាយុ៥១ឆ្នាំ រស់នៅទីកន្លែងកើតហេតុខាងលើ។ សមត្ថកិច្ចបានអន្តរាគមន៍ពន្លត់ដោយប្រើប្រាស់រថយន្តពន្លត់អគ្គិភ័យ អធិការដ្ឋាននគរបាលស្រុកជីក្រែង ចំនួន០១គ្រឿង ប្រើប្រាស់ទឹកអស់ចំនួន០៣ឡាន ទើបភ្លើងរលត់ទៅវិញ តែមិនមានប៉ះពាល់អាយុជីវិតប្រជាពលរដ្ឋនិងរាលទៅផ្ទះអ្នកដ៏ទៃនោះទេ ៕ដោយ៖នាគព័ន្ធ