ព្រះវិហារ៖សេចក្តីរាយការណ៍បានឲ្យដឹងថា រថយន្តវេអង ១គ្រឿង ដាច់ទំពួក ក្បាល សណ្តោងរ៉ឺម៉ក ធ្វើឲ្យកន្ទុយទៅផ្សេង ក្បាលធ្លាក់ចូលប្រឡាយទឹក ។ហេតុការណ៍នេះកើតឡើងនៅវេលាម៉ោង ០៥:៥៥នាទី ថ្ងៃទី០១ ខែមិថុនា ឆ្នាំ ២០២៤ ចំណុចវត្តខ្នងគោល ក្នុងភូមិស្រយ៉ង់ត្បូង ឃុំស្រយង់ ស្រុក គូលែន ខេត្តព្រះវិហារ។
សាក្សីនៅកន្លែងកើតហេតុបានឲ្យដឹងថា មុនពេលកើតហេតុ មានរថយន្តវេអងដឹកដំឡូង ១គ្រឿង ពាក់ស្លាកលេខ ត្បូងឃ្មុំ 3A-0718 ពេលមកដល់កន្លែងកើតហេតុបានដាច់ទំពួក សណ្តោងរ៉ឺម៉ក់ បណ្តាលឲក្បាលធ្លាក់ចូលក្នុងទឹកប្រឡាយខាងត្បូងផ្លូវ ចំងាយប្រហែល២០ម៉ែត្រ ពីកន្ទុយរ៉ឺម៉ករថយន្ត។ ក្នុងករណីនោះ ដែរ កន្ទុយរម៉កបានផ្អៀងខ្នាតដំឡូងមី ចូលតូបលក់អីវ៉ាន់១កន្លែង នៅទីនោះ បណ្តាលឲ្យអ្នកលក់និងអ្នកទិញម្នាក់រងរបួសស្រាល បញ្ជូនទៅព្យាបាលនៅមណ្ឌលសុខភាពស្រយ៉ង់ ចំណែក អ្នកបើករថយន្តរងរបួសស្រាលនិងរងការខូតខាតម៉ូតូមួយគ្រឿង ទៀតផងដែរ។
សមត្ថកិច្ចមូលដ្ឋានបានឲ្យដឹងថា ករណីនេះបណ្តាលមកពីរថយន្តវេអង ដឹកដំឡូង រៀបចំការធ្វើដំណើរលើដងផ្លូវខ្វះការប្រុងប្រយ័ត្ន។បច្ចុប្បន្នកម្លាំងនគរបាលជំនាញបានអូសរថយន្តបងទៅរក្សាទុកនៅអធិការនគរបាលស្រុកគូលែន ដើម្បីចំនាត់ការបន្តតាមច្បាប់។
រថយន្តដឹកដំឡូងខាងលើបើកចេញពី ភូមិស្រយ៉ង់ ឃុំស្រយ៉ង់ ស្រុកគូលែន ខេត្តព្រះវិហារ យកទៅលក់នៅប្រទេសវៀតណាម ៕ដោយ៖AFN
