Friday, July 19, 2024
Header Banner
ផ្សាយពាណិជ្ជកម្ម
Header Banner

២នាក់ប្តីប្រពន្ធដែលល្បីខាងជួញដូរគ្រឿងញៀន​ នៅភូមិរំចេក ត្រូវបានសមត្ថកិច្ចឃាត់ខ្លួនបានហើយ!

   ខេត្តព្រះវិហារ៖នារសៀលថ្ងៃទី២៨ ខែមិថុនា ឆ្នាំ២០២៤ កម្លាំងកងរាជអាវុធហត្ថចំនួន២ស្រុកនៃខេត្តព្រះវិហារ សហការគ្នាចុះបង្ក្រាប​ បាន២នាក់ប្ដីប្រពន្ធដែលល្បីល្បាញខាងលក់ថ្នាំញៀន នៅក្នុងភូមិរំចេក ឃុំរមណីយ ស្រុករវៀង ខេត្តព្រះវិហារ។

សមត្ថកិច្ចបានឲ្យដឹងថា​ ការចុះបង្ក្រាបករណីរក្សាទុក ឬជួញដូរ និងប្រើប្រាស់នូវសារធាតុញៀនដោយខុសច្បាប់ខាងលើ​ ធ្វើឡើងក្រោមការដឹកនាំបញ្ជាដោយ​ លោកអនុសេនីយ៍ឯក ស្រី​ វណ្ណនី​ មេបញ្ជាការអាវុធហត្ថស្រុក​សង្គមថ្មី សហការជាមួយកម្លាំងអាវុធហត្ថស្រុករវៀង​ ដោយមានការសម្របសម្រួលពីឯកឧត្តម​ ទី​ សុវិនថាល់​ ព្រះរាជអាជ្ញាអមសាលាដំបូងខេត្តព្រះវិហារ​  បានចុះបង្ក្រាបជាក់ស្ដែងករណី រក្សាទុក ឬជួញដូរ និងប្រើប្រាស់នូវសារធាតុញៀនដោយខុសច្បាប់​ កាលពីវេលាវេលាម៉ោង១៥​ និង០០នាទី​ ថ្ងៃទី២៨​ ខែមិថុនា ឆ្នាំ២០២៤ ស្ថិតនៅភូមិរំចេក ឃុំរមណី​ ស្រុករវៀង ខេត្តព្រះវិហារ។

  សមត្ថកិច្ចបន្តថា ករណីខាងលើកម្លាំងអាវុធហត្ថ​ បានចុះឃាត់ខ្លួនជនសង្ស័យចំនួន​ ០២នាក់​ ស្រី​ ០១នាក់​ ដែលមានឈ្មោះ៖​ ១.​ ឈ្មោះ វ៉ែន វ៉ន ភេទប្រុស អាយុ ៥៥ឆ្នាំ​ មុខរបរមិនពិតប្រាកដ​ និងទី២.​ឈ្មោះ ទូច ម៉ៅ ភេទស្រី អាយុ ៥១ឆ្នាំ​ មុខរបរមេផ្ទះ។ 

   វត្ថុតាងដកហូតបាន​ រួមមាន៖​ ម្សៅក្រាមសថ្លា(ម៉ាទឹកកក)ចំនួន ១០កញ្ចប់,​ ទូរសព្ទដៃចំនួន ៣គ្រឿង​,​ ស្លាកលេខម៉ូតូចំនួន​ ០១,​ កង់ម៉ូតូចំនួន​ ០៤គូរ,​ ខោអាវម៉ូតូ​មួយចំនួន,​ ប្រាក់ខ្មែរចំនួន ៤៧០,០០០រៀល​ និងសម្ភារៈសម្រាប់វេចខ្ចប់គ្រឿងញៀនមួយចំនួន។ បច្ចុប្បន្នជនសង្ស័យ និងវត្ថុតាងខាងលើកម្លាំងជំនាញអាវុធហត្ថខេត្តព្រះវិហារ កំពុងបន្ដអនុវត្តតាមនីតិវិធីច្បាប់៕AFN

ផ្សាយពាណិជ្ជកម្ម
Header Banner
ផ្សាយពាណិជ្ជកម្ម
Header Banner

ព័ត៌មានពេញនិយម