ខេត្តឧត្តរមានជ័យ៖នៅថ្ងៃទី០២ ខែ តុលា ឆ្នាំ២០២០ វេលាម៉ោង ០៩និង០០នាទី នៅអធិការដ្ឋាននគរបាលក្រុងសំរោង មានរៀបចំ ពិធីសំណេះសំណាល និងពង្រឹងការងារដឹកនាំ នៅអធិការដ្ឋានក្រុង ក្រោមអធិបតីភាពដ៏ខ្ពង់ខ្ពស់ លោកឧត្តមសេនីយ៍ ហួត សុធី ស្នងការ នៃស្នងការដ្ឋាននគរបាលខេត្ត និងអមដំណើរដោយ លោកឧត្តមសេនីយ៍ស្នងការរង ។
សមាសភាពចូលរួមមាន៖ លោកអធិការ-អធិការរង, នាយ-នាយរងផ្នែក, នាយ-នាយរងប៉ុស្តិ៍ និងមន្ត្រីផ្នែកជំនាញ សរុបចំនួន ៥៥ នាក់/ ស្រី ០៥ នាក់ ។ក្នុងឱកាសនោះផងដែរ លោកឧត្តមសេនីយ៍ស្នងការ ក៏បានមានមតិសំណេះសំណាលជាមួយថ្នាក់ដឹកនាំ និងមន្ត្រីនៃអធិការដ្ឋាននគរបាលក្រុងទាំងអស់ ដោយលោកបានកោតសសើរលើកិច្ចការងារគ្រប់គ្រងដឹកនាំបញ្ជាកន្លងមក ទទួលបានលទ្ធផលល្អគួឲ្យកត់សម្គាល់ ។បន្ទាប់មក លោកឧត្តមសេនីយ៍ ក៏បានធ្វើការណែនាំ និងដាក់ទិសដៅមួយចំនួន ដើម្បីអនុវត្តបន្តដូចខាងក្រោម៖បន្តលើការងារដឹកនាំបញ្ជារដោយស្មារតីទទួលខុសត្រូវខ្ពស់,បង្កើនសាមគ្គីភាពទីក្នុងឲ្យបានល្អ,បម្រើសេវាសាធារណៈប្រជាពលរដ្ឋឲ្យបានល្អ,សហការជាមួយអាជ្ញាធរមូលដ្ឋានឲ្យបានល្អ ក្នុងការចុះផ្សព្វផ្សាយអំពីគោលនយោបាយភូមិ-ឃុំមានសុវត្ថិភាព,បង្កើនសមត្ថភាពដល់មន្ត្រី នៅហ្នឹងកន្លែង ៕ដោយ៖សហការី