ខេត្តសៀមរាប ៖ នៅព្រឹកថ្ងៃទី២៣ ខែធ្នូ ឆ្នាំ២០២៤នេះ លោកឧត្តមសេនីយ៍ត្រី អៀង មករា ស្នងការរងទទួលផែនការងារធនធានមនុស្ស តំណាងដ៏ខ្ពង់ខ្ពស់ លោកឧត្តមសេនីយ៍ទោ ហួត សុធី ស្នងការនគរបាលខេត្ត និងលោកវរសេនីយ៍ឯក ម៉ម សុម៉ាលី ស្នងការរង ទទួលដឹកនាំការិយាល័យផ្សព្វផ្សាយអប់រំ បានអញ្ជើញដឹកនាំសហការី ចុះសំណេះសំណាលសួរសុខទុក្ខ លោកវរសេនីយ៍ទោ សៅ សុវណ្ណារ៉ា នាយរងការិយាល័យផ្សព្វផ្សាយអប់រំ ដែលមានបញ្ហាសុខភាព(ទឹកនោមផ្អែម) និងកំពុងសម្រាកព្យាបាលជំងឺនៅមន្ទីរពេទ្យបង្អែកខេត្តសៀមរាប និងបាននាំយកថវិកាឧបត្ថម្ភមួយចំនួន ដែលបានពីការចូលរួមរបស់ថ្នាក់ដឹកនាំ និងបងប្អូនកងកម្លាំងក្នុងការិយាល័យ ដើម្បីជួយសម្រាលក្នុងការព្យាបាលជំងឺផងដែរ ។
នៅក្នុងឱកាសនោះដែល លោកឧត្តមសេនីយ៍ត្រី ស្នងការរង ក៏បានពាំនាំប្រសាសន៍ផ្តាំផ្ញើសួរសុខទុក្ខ របស់លោកឧត្តមសេនីយ៍ទោ ស្នងការ ត្រូវយកចិត្តទុកដាក់អនុវត្តតាមការណែនាំរបស់លោកគ្រូពេទ្យ និងជូនពរឲ្យលោកវរសេនីយ៍ទោ ឆាប់បានជាសះស្បើយឡើងវិញ ៕
ប្រភេទ ពីការិយាល័យផ្សព្វផ្សាយអប់រំនៃស្នងការដ្ឋានក៏បានខេត្តសៀមរាប
