Friday, April 4, 2025
Header Banner

បុរសម្នាក់ស្រវឹងស្រាស ទាញប៉័ងតោកាប់ជាងដែកម្នាក់បណ្តាលឲ្យរបួសធ្ងន់ត្រូវនគរបាលក្រុងសៀមរាប ឃាត់ខ្លួន

ខេត្តសៀមរាប៖កម្លាំងនគរបាលជំនាញនៃក្រុងសៀមរាប បានធ្វើការឃាត់ខ្លួនជនសង្ស័យម្នាក់ឈ្មោះ សែម សុផា ភេទប្រុស អាយុ៣៨ឆ្នាំ មុខរបរកម្មករសំណង់ រស់នៅភូមិបឹងដូនប៉ា សង្កាត់ស្លក្រាម ក្រុងសៀមរាប ពាក់ព័ន្ធនឹងករណីយកកាបិតប៉័ងតោកាប់លើជនរងគ្រោះបណ្តាលឲ្យរបួសធ្ងន់ កាលពីរសៀលថ្ងៃទី១៦ ខែកុម្ភៈ ឆ្នាំ២០២៥នៅភូមិឃុំខាងលើ។ 

   ប្រភពបានឲ្យដឹងថា ជនរងគ្រោះឈ្មោះ មាំង រិត ភេទប្រុស អាយុ៤៥ឆ្នាំ មុខរបរជាងដែក បានដាក់ពាក្យបណ្ដឹងឲ្យសមត្ថកិច្ចឃាត់ខ្លួនជនសង្ស័យខាងលើ បានធ្វើសកម្មភាពយកកាបិតប៉័ងតោ កាប់មកលើខ្លួន ចំត្រង់ប្រអប់ដៃខាងស្ដាំ និងម្រាមដៃកូន ហើយជនសង្ស័យក៏រត់គេចខ្លួនបាត់។ ក្រោយពីទទួលពាក្យបណ្ដឹង សមត្ថកិច្ចបានធ្វើការស្រាវជ្រាវរកជនសង្ស័យ ទើបនៅថ្ងៃទី១៩ ខែកុម្ភៈ ឆ្នាំ២០២៥ វេលាម៉ោង១៥និង៣០នាទី បានធ្វើការឃាត់ខ្លួនជនសង្ស័យខាងលើ យកមកសួរនាំ ក្រោយពីសួរនាំជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពយកកាំបិតតាំងតោ កាប់ទៅលើជនរងគ្រោះ ប្រាកដមែន មូលហេតុ ព្រោះខ្លួនស្រវឹងស្រាស ហើយខ្លួនបានខឹងជាមួយជនរងគ្រោះ ទើបខ្លួនយកកាំបិតតាំងដែលខ្លួនកាន់នៅដៃកាប់ជនរងគ្រោះតែម្តង។

  បច្ចុប្បន្ននគរបាលជំនាញនៃខេត្តសៀមរាប កំពុងកសាងសំណុំរឿងបញ្ជូនខ្លួនជនសង្ស័យខាងលើ ទៅតុលាការ ដើម្បីចាត់ការតាមច្បាប់៕ដោយ៖នាយវើក

ផ្សាយពាណិជ្ជកម្ម
Header Banner
ផ្សាយពាណិជ្ជកម្ម
Header Banner

ព័ត៌មានពេញនិយម