ខេត្តសៀមរាប ៖នៅព្រឹកថ្ងៃពុធ ៧រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកុម្ភៈ ឆ្នាំ២០២៥ ក្នុងសាលប្រជុំសណ្ឋាគារសុខាអង្គរសៀមរាប បានរៀបចំកិច្ចប្រជុំ Hotline Group Meeting លើកទី១៧ ក្រោមអធិបតីភាពដ៏ខ្ពង់ខ្ពស់ លោកឧត្តមសេនីយ៍ទោ ហួត សុធី ស្នងការ នៃស្នងការនគរបាលខេត្តសៀមរាប និង ឯកឧត្តមអគ្គកុងស៊ុលសាធារណរដ្ឋកូរ៉េប្រចាំខេត្តសៀមរាប។
ក្នុងនោះដែលក៏មានការចូលរួមពី លោក-លោកស្រី ប្រធានកុងស៊ុលប្រចាំស្ថានទូត អង្គភាពនគរបាលទេសចរណ៍ អង្គភាពនគរបាលការពារបេតិកភណ្ឌ ប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិសៀមរាបអង្គរ លោក-លោកស្រី ស្នងការរង លោកនាយការិយាល័យដែលពាក់ព័ន្ធ និងលោកអធិការនគរបាលក្រុងសៀមរាបផងដែរ។ក្នុងកិច្ចប្រជុំបូលសរុបកិច្ចសហប្រតិបត្តិការអនុវត្តន៍ការងារកន្លងមក យើងអាចធានាបាននូវការគ្រប់គ្រងព័ត៌មាន ពាក់ព័ន្ធនឹង ជនបរទេសដែលសំដៅបាននូវសន្តិសុខ សុវត្ថិភាព ជូនពួកគាត់ និងទំនាក់ទំនងការងារល្អ ព្រមទាំងអាចចូលរួមចំណែក ក្នុងការទប់ស្កាត់រាល់បទល្មើសផ្សេងៗដែលកើតមានឡើង។
តាមរយៈការខិតខំប្រឹងប្រែងនេះ យើងពិនិត្យឃើញថា ក្នុងរយៈពេលកន្លងមកនេះ មិនមានសកម្មភាពណាមួយកើតឡើង ដែលបណ្តាលឲ្យប៉ះពាល់ធ្ងន់ធ្ងរ ដល់សុវត្ថិភាពជនបរទេសដែលកំពុងស្នាក់នៅក្នុងខេត្តសៀមរាបនោះឡើយ៕
