ខេត្តព្រះវិហារ៖នាព្រឹកថ្ងៃទី១៩ ខែមីនា ឆ្នាំ ២០២៥ ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ បានអញ្ជើញចុះជួបសំណេះសំណាល សួរសុខទុក្ខថ្នាក់ដឹកនាំ និងមន្ត្រីនគរបាលជាតិ នៃស្នងការដ្ឋាននគរបាលខេត្តព្រះវិហារ នៅស្នងការដ្ឋាននគរបាលខេត្តព្រះវិហារ។
នៅក្នុងពិធីនេះដែរក៏មានការអញ្ជើញចូលរួមពី ឯកឧត្តម ឧត្តមសេនីយ៍ វរសេនីយ៍ គណៈប្រតិភូអមដំណើរ នៃអគ្គស្នងការដ្ឋានគរបាលជាតិ លោកឧត្ដមសេនីយ៍ទោ ស្នងការនគរបាលខេត្ត លោក-លោកស្រី ឧត្តមសេនីយ៍ វរសេនីយ៍ ស្នងការរង លោកអនុប្រធានផែនការងារ លោក-លោកស្រី នាយការិយាល័យ លោកអធិការនគរបាល ក្រុង/ស្រុកទាំង០៨ និងនាយប៉ុស្តិ៍នគរបាលរដ្ឋបាល ទាំង៥១ឃុំ/សង្កាត់ ផងដែរ។
ក្នុងឱកាសនោះដែរឯកឧត្ដម នាយឧត្ដមសេនីយ៍ អគ្គស្នងការនគរបាលជាតិ ក៏បានឧបត្ថម្ភថវិកាចំនួន៣លានរៀល ជូនដល់កម្លាំងនគរបាល នៃស្នងការដ្ឋាននគរបាលខេត្តព្រះវិហារ និងបានប្រគល់អាវចំណាំងផ្លាតចំនួន១៣០អាវ , អាវការពារគ្រាប់ចំនួន ៦០អាវ ,ខ្នោះចំនួន៦០ផងដែរ៕ដោយ៖AFN
