ខេត្តព្រះវិហារ៖នៅព្រឹកថ្ងៃទី៣១ ខែមីនា ឆ្នាំ២០២៥នេះ នៅសាលប្រជុំស្រុកឆែប មានរៀបចំពិធីប្រកាសតែងតាំងចូលកាន់មុខតំណែងថ្មីអភិបាល នៃគណៈអភិបាលស្រុកឆែប ក្រោមអធិបតីភាព ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ ដោយមានការចូលរួមពីសំណាក់ អភិបាលរងខេត្ត មេបញ្ជាការកងកម្លាំងទាំងបីថ្នាក់ដឹកនាំមន្ទីរអង្គភាពជុំវិញខេត្ត ព្រមទាំងមន្ត្រីរាជការជាច្រើនរូបទៀត។
លោក ឃិត សុធារ៉ា អភិបាលរងក្រុងព្រះវិហារ ត្រូវបានតែងតាំងជាអភិបាលស្រុកឆែប ខេត្តព្រះវិហារ ស្របពេលលោក អ៊ុំ សុភឿន អភិបាលស្រុកស្តីទី ត្រូវផ្ទេរភារកិច្ចមកជាមន្រ្តីរាជការចំណុះរដ្ឋបាលខេត្តវិញ។
ក្នុងឱកាសនោះដែរលោកឃិត សុធារ៉ា អភិបាលស្រុកឆែប ដែលទើបនឹងឡើងកាន់តំណែងថ្មី បានឡើងប្រាជ្ញាចិត្តនៅចំពោះមុខថ្នាក់ដឹកនាំ ថានឹងធ្វើការងារបម្រើពលរដ្ឋ និងរាជរដ្ឋាភិបាល ប្រកបដោយឆន្ទៈខ្ពស់៕ដោយ៖ Angkor flash news
