ខេត្តព្រះវិហារ៖រដ្ឋបាលក្រុងព្រះវិហារ សហការជាមួយនគរបាលចរាចរណ៍ និងមន្ទីរសាធារណការ និងដឹកជញ្ចូនខេត្ត បានរៀបចំកិច្ចប្រជុំផ្សព្វផ្សាយ ស្ដីពីច្បាប់ចរាចរណ៍ផ្លូវគោក និងបំពាក់ស្ទិកគ័រចំណាំងផ្លាតលើគោយន្ដកន្ដ្រៃ ចំនួន ១០០គ្រឿង ជូនប្រជាពលរដ្ឋក្នុងសង្កាត់ទាំងពីរ នៃក្រុងព្រះវិហារ ។យុទ្ធនាការអប់រំផ្សព្វផ្សាយអំពីសុវត្ថិភាពចរាចរណ៍ផ្លូវគោកនេះ ធ្វើឡើងដើម្បីពញ្ញាក់ស្មារតីដល់អ្នកប្រើប្រាស់ផ្លូវឱ្យមានការប្រុងប្រយ័ត្ននៅមុនឱកាសពិធីបុណ្យចូលឆ្នាំប្រពៃណីជាតិខ្មែរដែលនឹងឈានមកដល់នាពេលឆាប់ៗខាងមុងនេះ។
សកម្មភាពនេះបានធ្វើឡើងនៅបរិវេណសាលាក្រុងព្រះវិហារ ក្រោមអធិបតីភាព លោក ប៉ុក ងួន អភិបាលក្រុង ក្នុងគោលបំណងដើម្បីលើកកម្ពស់ការយល់ដឹងអំពីច្បាប់ចរាចរណ៍ដល់អ្នកប្រើប្រាស់ផ្លូវ និងដើម្បីកាត់បន្ថយគ្រោះថ្នាក់ចរាចរណ៍ ជាពិសេសបង្កើនសុវត្ថិភាពក្នុងការធ្វើដំណើរនៅពេលយប់របស់បងប្អូនប្រជាពលរដ្ឋដែលប្រើប្រាស់គោយន្តកន្ត្រៃឱ្យកាន់តែប្រសើរឡើង។
លោក ប៉ុក ងួន អភិបាលក្រុងព្រះវិហារ ក៏បានណែនាំពន្យល់ដល់ម្ចាស់មធ្យោបាយ ដែលប្រើប្រាស់ផ្លូវបានយល់ដឹងអំពីច្បាប់ ស្តីពីចរាចរណ៍ផ្លូវគោក ដើម្បីបង្ការ ធ្វើយ៉ាងណាកុំឱ្យកើតមានគ្រោះថ្នាក់ចរាចរណ៍ លើដងផ្លូវ។យុទ្ធនាការអប់រំផ្សព្វផ្សាយអំពីសុវត្ថិភាពចរាចរណ៍ផ្លូវគោកនេះ ធ្វើឡើងដើម្បីពញ្ញាក់ស្មារតីដល់អ្នកប្រើប្រាស់ផ្លូវឱ្យមានការប្រុងប្រយ័ត្ននៅមុនឱកាសពិធីបុណ្យចូលឆ្នាំប្រពៃណីជាតិខ្មែរដែលនឹងឈានមកដល់នាពេលឆាប់ៗខាងមុងនេះផងដែរ៕ដោយ៖AFN
