សៀមរាប៖លោកវរសេនីយ៍ឯក លឹម សម្បត្តិ អធិការនគរបាលស្រុកប្រាសាទបាគង បានឲ្យដឹងថាមានករណីគ្រោះថ្នាក់ចរាចរណ៍មួយបានកើតឡើង ដែលបង្កដោយរថយន្តសាំយ៉ុង បានបើកបរក្នុងល្បឿនលឿនទៅបុកម៉ូតូ ពេញទំហឹងក្នុងទិសដៅច្រាសគ្នា បណ្តាលឲ្យស្ត្រីម្នាក់ស្លាប់នៅនឹងកន្លែង។ហេតុការណ៍នេះកើតឡើងនៅវេលាម៉ោង១១និង០០នាទីថ្ងៃទី១៣ខែតុលា ឆ្នាំ២០២០ លើកំណាត់ផ្លូវជាតិលេខ៦ត្រង់ចំណុចចន្លោះបង្គោលគីឡូលេខ294 295 ភូមិស្វាយជ័យ ឃុំត្រពាំងធំ ស្រុកបាសាទបាគង ខេត្តសៀមរាប។លោកបន្តថា រថយន្តម៉ាកសាំយ៉ុង មិនដឹងស្លាកលេខ បើកបរមានទិសដៅពីកើតទៅលិច បានបុក ម៉ូតូម៉ាកហុងដាដ្រីម សេរីឆ្នាំ ២០២០ មានស្លាកលេខ សៀមរាប 1AH.1113 ពណ៌ខ្មៅ បើកបរដោយឈ្មោះ ហ៊ុន ឆាយ ភេទស្រីអាយុ ២៩ឆ្នាំសញ្ជាតិខ្មែរ មានទីលំនៅភូមិជីគៀក ឃុំកៀនសង្កែស្រុកសូទ្រនិគម ខេត្តសៀមរាប ( ស្លាប់ )បើកបរមានទិស ដៅពីលិចទៅកើត។លោកបន្ថែមថា ក្រោយពេលកើតហេតុរថយន្តបង្ករត់គេចខ្លួនបាត់។មូលហេតុ រថយន្ត បើកបរមានល្បឿនលឿន ខ្វះការប្រុងប្រយ័ត្ន។កម្លាំងនគរបាលជំនាញនៃស្រុកប្រាសាទបាគង កំពុងរៀបចំសំណុំរឿងនេះទៅការិយាល៧យជំនាញចាត់ការតាមច្បាប់៕sr.time