ភ្នំពេញ ៖ព្រះ​ករុណា​សម្តេច​ព្រះ​បរមនាថ នរោត្តម​ សីហមុនី មាន​សេចក្តី​រំជួល​ហឫទ័យ​ជាខ្លាំង ដោយ​ទទួល​ដំណឹង​អំពីបងប្អូន​កូន​ចៅ​ ទទួលរងគ្រោះ​ដែល​បង្កដោយ​ជំនន់​ទឹក​ភ្លៀង​រយៈពេល​ប៉ុន្មានថ្ងៃនេះ​ និង សូម​ជូន​ពរ​បងប្អូន​ កូនចៅ​ប្រជារាស្ត្រ​កម្ពុជា​រួច​ផុត​ពី​គ្រោះ​មហន្តរាយ និង​រំលែក​ទុក្ខ​លំបាក​ជាមួយ​បងប្អូន​ប្រជារាស្ត្រ​នៅ​ទូទាំង​ប្រទេស​។ ព្រះ​ករុណា​ជា​អ​ម្ចាស់ជីវិតលើត្បូង សូម​កោត​សរសើរ​នូវ​ភាព​ឈ្លាស​វៃ​ និង​សូម​ថ្លែង​អំណរ​គុណ​ដ៏​ជ្រាល​ជ្រៅ​ចំពោះ​ សម្តេច​អគ្គ​មហាសេនាបតី​តេជោ នាយករដ្ឋមន្ត្រី នៃ​ព្រះ​រាជាណាចក្រកម្ពុជា​ ដែល​មាន​វិធាន​ការ​ដោះ​ស្រាយ​ទាន់​ពេលវេលា​ ជម្លៀស​បងប្អូន​ប្រជាពលរដ្ឋ​ចេញ​ពី​តំបន់​រង​គ្រោះ​ ទៅកាន់​ទីតាំង​សុវត្ថិភាព​នានា។ក្នុង​នោះ​ ព្រះ​ករុណា​ជា​អ​ម្ចាស់ជីវិតលើត្បូង ព្រះបាទ​សម្ដេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា សូមជូន​ពរ​បងប្អូន​កូន​ចៅ​ ប្រជារាស្ត្រ​កម្ពុជាទាំងអស់​ បានរួច​ផុត​ពី​គ្រោះ​មហន្តរាយ​ធម្មជាតិ​ខាងលើ​នេះ និង​សូម​មេត្តាការ​ពារ​ និង​ថែរក្សា​សុខភាព​ឲ្យ​បាន​ល្អ​ កុំឲ្យ​មាន​ជំងឺ​ឈឺថ្កាត់​ផ្សេងៗ និង​សូម​ប្រសិទ្ធពរដ៏​ល្អ​បវរ​ មហាប្រសើរ​ ជូន​ សម្តេច​អគ្គ​មហាសេនាបតី​តេជោ នាយករដ្ឋមន្ត្រី និង​សមាជិក-សមាជិកា​ ដ៏ឧត្តុង្គឧត្តម​នៃ​រាជរដ្ឋាភិបាល​កម្ពុជា សូម​ទទួល​បាន​មហាជោគជ័យ​ថ្មីៗទៀត និងសូម​បាន​ប្រកប​តែនឹង​ព្រះ​ពុទ្ធពរ​គឺ អាយុ​ វណ្ណៈ សុខៈ ពលៈ កុំបីឃ្លៀងឃ្លាត​ឡើយ៕sr.time