កំពង់ស្ពឺ​៖​សមត្ថកិច្ចបានឲ្យដឹងថា ជនរងគ្រោះផឹកស្រាស្រវឹងតែងតែគំរាមសម្លាប់ខ្លួនចោលរហូត ធ្វេីឲ្យជនសង្ស័យ​ជាប្រពន្ធបានយកពូថៅលបកាប់ប្តី​ ដែលកំពុងដេកលក់បណ្តាលឲ្យស្លាប់នៅលេីផ្ទះ។ ហេតុការណ៍នេះកេីតឡេីងកាលពីថ្ងៃទី១៧​ ខែតុលា​ ឆ្នាំ​២០២០​ នៅភូមិថ្មី ឃុំជាំសង្កែ ស្រុកភ្នំស្រួច ខេត្តកំពង់ស្ពឺ។សមត្ថកិច្ចបានបើកការស្រាវជ្រាវឃាត់ខ្លួនឃាតកជនសង្ស័យ​ នៅថ្ងៃទី​១៨​ ខែតុលា​ ឆ្នាំ​២០២០។សមត្ថកិច្ច បានឲ្យដឹងថា ជនរងគ្រោះ(សព)ឈ្មោះ ជា សុះ ហៅរិទ្ធ ភេទប្រុស​ អាយុ៥២ឆ្នាំ ជាអតិតយោធាពិការ ត្រូវបានប្រជាពលរដ្ឋប្រទះឃើញស្លាប់នៅលើផ្ទះស្ថិតនៅភូមិថ្មី ឃុំជាំសង្កែ ស្រុកភ្នំស្រួច ខេត្តកំពង់ស្ពឺ។ចំណែកជនសង្ស័យឈ្មោះ មៀច ស្រីអុល ជាប្រពន្ធក្រោយ ជនរងគ្រោះ។ ជនសង្ស័យ​បានសារភាពថា ខ្លួនពិតជាបានប្រើពូថៅមកលប់កាប់ជនរងគ្រោះដែលកំពុងដេកលង់លក់នៅលើផ្ទះ ដោយមូលហេតុ ចាប់តាំងពីខ្លួនរៀបចំសែន ព្រេនយកគ្នាជាប្តីប្រពន្ធមកជនរងគ្រោះផឹកស្រាស្រវឹងគំរាមសម្លាប់ខ្លួនចោលរហូត ។ ដោយភ័យខ្លាចជនរងគ្រោះ សម្លាប់រូបខ្លួនបានទៅ សម្លាប់ជនរងគ្រោះឲបានមុន។ ជនសង្ស័យខាងលើជំនាញបានកសាងសំណុំរឿងបញ្ជូនតាមនិតិវិធី៕សៀមរាបថែមស៍