ភ្នំពេញ៖ជនសង្ស័យម្នាក់ជាអ្នកកត់កន្ទុយលេខ(ឆ្នោតវៀតណាម)ស៊ីសងខុសច្បាប់ត្រូវបានកម្លាំងនគរបាលប៉ុស្តិ៍អូរបែកក្អមឃាត់ខ្លួនចាប់យកទៅសួរនាំជាមួយនិងវត្ថុតាងមួយចំនួន។
ការចាប់ខ្លួននេះធ្វើឡើងនៅវេលាម៉ោង១៥ និង៣០នាទី ថ្ងៃទី១៨ ខែតុលា ឆ្នាំ២០២០ នៅចំណុចមុខផ្ទះលេខ៣៨៨ ផ្លូវបេតុង(វត្តអង់តាមិញ) ភូមិទ្រុងមាន់ សង្កាត់អូរបែកក្អម ខណ្ឌសែនសុខ ។ សមត្ថកិច្ចបានឲ្យដឹងថា ជនសង្ស័យមានឈ្មោះ ស៊ិន បូរី ភេទប្រុស អាយុ៣៥ឆ្នាំ ជនជាតិខ្មែរ មុខរបរលក់កហ្វេ ស្នាក់នៅផ្ផ្ទះលេខ៣៨៨ ផ្លូវបេតុង(វត្តអង់តាមិញ) ភូមិទ្រុងមាន់ សង្កាត់អូរបែកក្អម ខណ្ឌសែនសុខ (គ្មានសារធាតុញៀន) ។ ដកហូតប្រដាប់អុកថ្ងៃខែឆ្នាំ០១ , លុយខ្មែរ១៩.០០០រៀល ,បញ្ជីកត់ឆ្នោត០១សន្លឹក , ក្រដាសសំរាប់កត់ឆ្នោត០១ដុំធំ ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការតាមច្បាប់៕ដោយ៖សៀមរាបថែមស៍
