សៀមរាប៖លោកសូរ ប្លាតុង អភិបាលស្រុកប្រាសាទបាគង បានបង្ហោះក្នុងផេកផ្លូវការរបស់លោកកាលពីព្រឹកថ្ងៃទី០៧ខែវិច្ឆិកានេះថា ការងារអាទិភាព ក្រោយទឹកជំនន់បានស្រកអស់គឺ ការជួសជុលផ្លូវដែលរងការខូចខាត ដោយសារទឹកជំនន់ហូរច្រោះ រយៈពេលប្រមាណ៤ថ្ងៃកន្លងមកនេះក្រោមការផ្តួចផ្តើមនិងយកចិត្តទុកដាក់ពីអាជ្ញាធរស្រុកប្រាសាទបាគង អាជ្ញាធរភូមិឃុំកន្ទ្រាំង និងដោយមានការនិមន្តចូលរួមពី ព្រះចៅអធិការវត្តគគី សប្បុរសជននានា បងប្អូនប្រជាពលរដ្ឋក្នុងសហគមន៍មូលដ្ឋាន បងប្អូនប្រជាការពារ ផ្លូវ១ខ្សែទៀត ប្រវែងជិត៥គីឡូម៉ែត្រ ស្ថិតនៅឃុំកន្ទ្រាំង ស្រុកប្រាសាទបាគង ត្រូវបានធ្វើការជួសជុលជាបណ្តោះអាសន្ន ដើម្បីសម្រួលដល់ការធ្វើដំណើរ និងការដឹកជញ្ជូនកសិផល ជូនបងប្អូនប្រជាពលរដ្ឋ ។ សូមអរគុណ ចំពោះការចូលរួម ដែលសកម្មភាពទាំងនេះ គឺជាផ្នែកមួយនៃការអភិវឌ្ឍន៍មូលដ្ឋាន ដែលមិនអាចខ្វះបានឡើយ ៕ “អោយតែមានការចូលរួមសាមគ្គី គឺយើងអាចធ្វើបាន អរគុណសន្តិភាព… !”
ផ្សាយពាណិជ្ជកម្ម
អាជ្ញាធរស្រុកប្រាសាទបាគង សហការគ្នាជួសជុលផ្លូវដែលរងការខូចខាតដោយសារទឹកជំនន់
ផ្សាយពាណិជ្ជកម្ម
ផ្សាយពាណិជ្ជកម្ម
ព័ត៌មានស្រដៀងគ្នា