សៀមរាប៖កាលពីថ្ងៃទី០៦ខែវិ្ឆិកាឆ្នាំ២០២០នេះ អាជ្ញាធរស្រុកប្រាសាទបាគង ដែលនាំដោយលោក សូរ ប្លាតុង អភិបាលស្រុកនសគណៈអភិបាលស្រុកប្រាសាទបាគង ជួបសាកសួរសុខទុក្ខ និងចែកអំណោយមនុស្សធម៌ដល់ស្រ្តីមេម៉ាយ ចាស់ជរា ជនពិការ ដែលមានជីវភាពខ្វះខាតចំនួន៤០គ្រួសារ និងបានប្រគល់កង់ចំនួន ១០គ្រឿង ដល់សិស្សានុសិស្ស ចំនួន១០នាក់ ដែលមានការខ្វះខាត សម្រាប់ជិះធ្វើដំណើរទៅ សិក្សារៀនសូត្រ នៅសាលាបឋមសិក្សាអារញ្ញរង្ស៊ី ក្នុងឃុំកណ្តែក ស្រុកប្រាសាទបាគង ខេត្តសៀមរាប។លោកសូរ ប្លាតុង អភិបាលស្រុកប្រាសាទបាគង ឲ្យដឹងថា លោកសូមកោតសរសើរដល់ លោកស្រី ម៉ិល សុគង្គា មេឃុំកណ្តែក និងក្រុមប្រឹក្សាឃុំ ដែលបានយកចិត្តទុកដាក់ គិតគូរដល់សុខទុក្ខបងប្អូនប្រជាពលរដ្ឋ ដែលជួបការលំបាក និងចេះប្រើប្រាស់មូលនិធិគាំទ្រផ្នែកសេវាសង្គម របស់ឃុំ ចំគោលដៅស្របពេលដែលយើងទាំងអស់គ្នា រួមគ្នាបង្ការ ទប់ស្កាត់ ការរីករាលដាលនៃជំងឺកូវីដ១៩។ ជាមួយគ្នានេះ លោកក៏បានសូមសំណូមពរ ដល់បងប្អូនប្រជាពលរដ្ឋ បន្តថែរក្សាសុខភាពឲ្យបានល្អ ខិតខំប្រកបមុខរបរបន្ថែម ជៀសអោយឆ្ងាយពីគ្រឿងញៀន និងអំពើរអបាយមុខផ្សេងៗ ជាពិសេសត្រូវគោរពច្បាប់ចរាចររាល់ពេលធ្វើដំណើរតាមដងផ្លូវផងដែរ។ អំណោយដែលបានចែកជូនក្នុង ១ គ្រួសារ ទទួលបាន អង្ករ ២៥គីឡូក្រាម ទឹកស៊ីអ៉ីវ ១យួ ទឹកត្រី ១យួរ ប្រេងឆា ១ដប ខ្ទឹម សរកន្លះគីឡូក្រាម ប៊ីចេង ១កញ្ចប់សាប៊ូដុះខ្លួន ១ដុំ និងថវិកា ៥ម៉ឺនរៀល៕ដោយ៖កញ្ញា
ផ្សាយពាណិជ្ជកម្ម
អាជ្ញាធរស្រុកប្រាសាទបាគង ចែកអំណោយមនុស្សធម៌ដល់ស្រ្តីមេម៉ាយ ចាស់ជរា ជនពិការ ដែលមានជីវភាពខ្វះខាតចំនួន៤០គ្រួសារ និងបានប្រគល់កង់ចំនួន ១០គ្រឿង
ផ្សាយពាណិជ្ជកម្ម
ផ្សាយពាណិជ្ជកម្ម
ព័ត៌មានស្រដៀងគ្នា