ខេត្តស្ទឹងត្រែង៖សមត្ថកិច្ចបានឲ្យដឹងថា ធនាគារ អេស៊ីលីដា សាខាស្រុកថាឡាបរិវ៉ាត់ ត្រូវបានអគ្គិភ័យឆាបឆេះទាំងព្រឹកបង្កការភ្ញាក់ផ្អើលយ៉ាងខ្លាំង ដោយសារឆ្លងចរន្តអគ្គិសនី ។
ហេតុការណ៍នេះបានកើតឡើង នៅថ្ងៃទី ១២ ខែវិឆ្ឆិការឆ្នាំ ២០២០ វេលាម៉ោង ០៧:១៥ នាទី ស្ថិតភូមិឆ្វាំង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ។
សមត្ថកិច្ចបានបន្តថា ករណីអគ្គិភ័យនេះ កើតឡើងក្នុងបន្ទប់ធានាជាអេស៊ីលីដាជាន់ទីមួយ អ្នកតំណាងឈ្មោះ ជា ពន្លឺ ភេទ ប្រុស អាយុ ៣៣ ឆ្នាំ ទីលំនៅបច្ចុប្បន្ន ក្រុងស្ទឹងត្រែង ខេត្តស្ទឹងត្រែង ។ ចំពោះផលប៉ះពាល់បណ្ដាលឲ្យខូចខាតសម្ភារ:មួយចំនួន រួមមាន៖ ម៉ាស៊ីនត្រជាក់ចំនួន ០២ គ្រឿង, កុំព្យូទ័រចំនួន ០៣ គ្រឿង, ម៉ាស៊ីនព្រីនចំនួន ០១ គ្រឿង, កង្ហារចំនួន ០៣ គ្រឿង, តុជ័រចំនួន ០៣ គ្រឿង, អំពូលវែងចំនួន ០៦ អំពូល ។ សមត្ថកិច្ចបញ្ជាក់ថា ការអន្តរាគមន៍ជួយពន្លត់ភ្លើងដោយប្រើបំពង់ពន្លត់អគ្គិភ័យអស់ចំនួន ០៦ បំពង់ និងរថយន្តពន្លត់អគ្គិភ័យផងដែរទើបអាចគ្រប់គ្រងស្ថានការបាន៕ដោយ៖នាគរាជ
