ខេត្តសៀមរាប៖យោងតាមផេកផ្លូវការរបស់លោកសូរ ប្លាតុង អភិបាលនៃគណៈអភិបាលស្រុកប្រាសាទបាគង បានឲ្យដឹងថា នៅព្រឹកថ្ងៃទី១៩ ខែវិច្ឆិកាឆ្នាំ២០២០នេះ អាជ្ញាធរស្រុក បានបើកការដ្ឋានជួសជុល ផ្លូវឃុនមោឃជាប្រភេទផ្លូវដីក្រហម មួយខ្សែមានប្រវែងជាង ៣គីឡូម៉ែត្រ ចាប់ពីខាងមុខវត្តល្អក់រហូតដល់ភូមិអូរ ឃុំកណ្តែក ស្រុកប្រាសាទបាគង ខេត្តសៀមរាប ។សូមជម្រាបជូនថា ផ្លូវឃុនមោឃនេះមានក្នុងគម្រោងសាងសង់ថ្មី ដោយក្រសួងអភិវឌ្ឍន៍ជនបទនាឆ្នាំ២០២១ខាងមុខនេះ តែដោយសារស្ថានភាពផ្លូវបច្ចុប្បន្នមានការខូចខាត ពិបាកក្នុងការរធ្វើចរាចរ និងដោយមានការស្នើសុំពីបងប្អូនប្រជាពលរដ្ឋ ទើបលោកបាន គៀងគររកសប្បុរសជន ដើម្បីធ្វើការជួសជុលផ្លូវនេះជាបឋមសិន ដើម្បីសម្រួលដល់ការធ្វើដំណើរ និងការដឹកជញ្ជូនកសិផលជូនបងប្អូនប្រជាពលរដ្ឋ ។ ឆ្លៀតក្នុងឱកាសនោះដែរ លោកក៏បានជួបសំណេះសំណាលជាមួយថ្នាក់ដឹកនាំភូមិ អ៊ំពូមីង និងបងប្អូនប្រជាការពារ ស្វែងយល់អំពីស្ថានភាព សន្តិសុខ សុវត្ថិភាព ក្នុងភូមិឃុំនេះផងដែរ។ ក្នុងនាមលោកជាអភិបាលស្រុក លោក សូមថ្លែងអំណរគុណចំពោះបងប្អូនសប្បុរសជនទាំងអស់ ដែលបានចូលរួមគាំទ្រការងារខាងលើនេះ និងសូមជូនពរ សូមមានសុខភាពល្អជោគជ័យការងារ គ្រប់ភារកិច្ច៕អរគុណសន្តិភាព !
ផ្សាយពាណិជ្ជកម្ម
អាជ្ញាធរស្រុកប្រាសាទបាគង បានបើកការដ្ឋានជួសជុលផ្លូវដីក្រហម មួយខ្សែមានប្រវែងជាង ៣គីឡូម៉ែត្រ
ផ្សាយពាណិជ្ជកម្ម
ផ្សាយពាណិជ្ជកម្ម
ព័ត៌មានស្រដៀងគ្នា