សៀមរាប ៖លោកវរសេនីយ៍ឯក លឹម សម្បត្តិ អធិការនៃអធិការដ្ឋាននគរបាលស្រុកប្រាសាទបាគងបានឲ្យដឹងថា នាព្រឹកថ្ងៃទី២០ ខែវិច្ឆិកាឆ្នាំ២០២០ វេលាម៉ោង ៨និង៣០នាទីមានករណីគ្រោះថ្នាក់ចរាចរណ៍នៅចន្លោះគីឡូលេខ២៩៤ ២៩៥ ភូមិស្វាយជ័យ​ ឃុំត្រពាំងធំ​ ស្រុកប្រាសាទបាគង​ ខេត្ត​សៀមរាប​។លោកបន្តថា នៅលើកំណាត់ផ្លូវជាតិលេខ៦មានគ្រោះថ្នាក់ចរាចរណ៍របណ្តាលមកពីបេីកបរក្នុងល្បឿនលឿនខ្វះការប្រុងប្រយ័ត្ន វាងរថយន្តនិងរថយន្តបេីកបរក្នុងទិសដៅច្រាសទិសគ្នា ។ រថយន្តមួយគ្រឿងម៉ាក HYUNDAI ពណ៌ខៀវពាក់ផ្លាកលេខស្វាយរៀង3A-0958 សណ្តោងរឺម៉កពាក់ផ្លាក់លេខភ្នំពេញ 4A-3836 បើកបរដោយឈ្មោះ ម៉េង សុខឃង ភេទប្រុសអាយុ ២២ ឆ្នាំ រស់នៅភូមិព្រែកហូ ឃុំព្រែកហូ ក្រុងតាខ្មៅ ខេត្ត កណ្តាល បើកបរមានទិសដៅពីកើតទៅលិច បុកនឹងរថយន្តម៉ាកហ្វរធុនណឺ ពណ៌សពាក់ផ្លាកលេខ សៀមរាប 2B 4299 បើកបរដោយឈ្មោះ លុយ ស៊ីនិត ភេទប្រុស អាយុ៣៣ឆ្នាំ រស់នៅភូមិស្ពានជ្រាវ សង្កាត់សៀមរាប ក្រុង/ខេត្តសៀមរាប ។ ក្នុងហេតុការណ៍នេះ បណ្តាលអោយរងរបួសធ្ងន់អ្នកបេីកបរម្នាក់ និងរងរបួសស្រាលអ្នករួមដំណើរចំនួន ០៤នាក់។ ក្រោយពេលកើតហេតុ សមត្ថកិច្ចបានពិនិត្យវាស់វែងធ្វើកំណត់ហេតុ និងបញ្ជូនជនរងគ្រោះទៅសង្រ្គោះបន្ទាន់នៅមន្ទីរពេទ្យ ។ ចំណែកវត្ថុតាង សមត្ថកិច្ចយកមករក្សាទុកនៅអធិការដ្ឋាននគរបាលស្រុកប្រាសាទបាគងដើម្បីរងចាំការដោះស្រាយពីភាគីទាំងសងខាង ៕ដោយ៖នាគរាជ