ភ្នំពេញ៖បើយោងតាមរបាយការណ៍បានឲ្យដឹងថា គិតត្រឹមថ្ងៃទី៣០ ខែកញ្ញា ឆ្នាំ២០២០ របស់ធនាគារវឌ្ឍនៈអាស៊ី ចំកាត់ ហៅកាត់ថា អេ.បី.អេ(ABA) បានឲ្យដឹងថា នៅរយៈពេល៩ខែ ឆ្នាំនេះ ABA ចំណេញជាង១០៣លានដុល្លារ នៅកម្ពុជា។

របាយការណ៍នោះបានបន្តទៀតថា នៅឆ្នាំ២០២០ ប្រភពចំណូលរបស់ធនាគារនេះ មានដូចជាចំណូលសុទ្ធពីការប្រាក់មានជាង ២០៦លានដុល្លារ, ចំណូលសុទ្ធពីកម្រៃជើងសារ ជាង២៣លានដុល្លារ និងចំណូលប្រតិបត្តិការផ្សេង ជាង២លានដុល្លារ។ គិតត្រឹមថ្ងៃទី៣០ ខែកញ្ញា ឆ្នាំ២០២០នេះ ABA មានទ្រព្យសកម្មសុរបចំនួន ៥ ៦៥៧លានដុល្លារ, ប្រាក់បញ្ញើរបស់អតិថជនមានចំនួន ៤ ៤៨៥ លានដុល្លារ និងផ្តល់ឥណទាន ដល់អតិថិជនចំនួន ៣ ៤១៩លានដុល្លារអាមេរិក។គួរបញ្ជាក់ផងដែរថា ធនាគារ ABA គឺជា គ្រឹះស្ថានហិរញ្ញវត្ថុឯកជនមួយរបស់កម្ពុជា ដែលត្រូវបានបង្កើតឡើងក្នុងឆ្នាំ១៩៩៦៕ដោយ៖នាគរាជ