សៀមរាប៖យោងតាមផេកផ្លូវការរបស់លោកវរសេនីយ៍ឯក លឹម សម្បត្តិ អធិការនគរបាលស្រុកប្រាសាទបាគង បានឲ្យដឹងថា បន្ទាប់ពីទទួលបានម៉ាស់ និងជៀលលាងដៃ ដែលជា​អំណោយ​ របស់​លោក ប៊ឹប ប៊ី លោក សុន វុទ្ឋី លោកសើរ វណ្ណដាម បានឧបត្ថម្ភម៉ាស់២០០០សន្លឹកនិងអាកុល៣០លីត និង បងណារ៉ុង សហគមន៍ធម្មជាតិត្រាវកុដ្ឋបានឧបត្ថម្ភជៀលលាងដៃ១កេសធំ នាថ្ងៃទី៨ខែធ្នូឆ្នាំ២០២០នេះ។​លោកបន្តថា លោកបាន ចាត់ចែង​ នាំទៅចែកជូនបន្ត​ ដល់បងប្អូនមន្ត្រីនគរបាលប៉ុស្តិ៍រដ្ឋបាលទាំង៩ឃុំ​ និងផ្នែកចំណុះអោយអធិការដ្ឋាននគរបាលស្រុកប្រាសាទបាគង​ សម្រាប់ប្រើប្រាស់​ និងរួមគ្នា​ បង្ការទប់ស្កាត់ការឆ្លងរីករាលដាល នៃ​ ជំងឺ កូវីដ-១៩ ​។ជាមន្ត្រីនគរបាលមូលដ្ឋាន​ គឺត្រូវធ្វើការនិងជួបប្រាស្រ័យជាប់ជានិច្ចជាមួយសហគមន៍បងប្អូនប្រជាពលរដ្ឋ​ ដូចនេះសូមបងប្អូនមន្ត្រីយើងទាំងអស់ អនុវត្តឲ្យបានខ្ជាប់ខ្ជួនបំផុត​ តាមការណែនាំរបស់ ក្រសួងសុខាភិបាល​ ហើយបន្តផ្សពផ្សាយណែនាំដល់បងប្អូនប្រជាពលរដ្ឋក្នុងមូលដ្ឋាននៃយើងអោយបង្កើនការប្រុងប្រយត្ន័ផងដែរ ។តាំងនាមខ្ញុំជួសអោយកំលាំងទាំងអស់សូមជូនពរលោក ព្រមទាំងក្រុមគ្រួសារ សូមអោយមានសុខភាពល្អ ជួបតែសេចក្តីសុខចម្រើន ជៀសផុត ពី ជម្ងឺCOVID-19 ទាំងស់គ្នា៕ដោយ៖នាគរាជ