សៀមរាប៖ដោយយោងទៅលើស្ថានភាពនៃកំណើនសិស្សានុសិស្សជាក់ស្ដែង នឹងមានការស្នើរបស់លោកគ្រូអ្នកគ្រូ ព្រមទាំងអាណាព្យាបាល សិស្ស រដ្ឋបាលស្រុកប្រាសាទបាគង បានគៀងគ ជាមួយមន្ត្រីរាជការនិងសប្បុរសជន សាងសង់អាគារសិក្សាថ្មីបន្ថែមទៀត។
នៅក្នុងផេកផ្លូវការរបស់លលោក សូរ ប្លាតុង អភិបាលស្រុកប្រាសាទបាគង បានឲ្យដឹងថា នាពេលថ្មីៗនេះលោក បានដឹកនាំមន្ត្រីរាជការ ចុះពិនិត្យការដ្ឋានសាងសង់អាគារសិក្សាបន្ថែមទៀត ក្នុងបរិវេណសាលាវិទ្យាល័យហ៊ុន សែន ស្វាយធំ ។អាគារសិក្សា ដែលកំពុងធ្វើការសាងសង់បន្ថែមនេះ បានចាប់ផ្តើមសាងសង់ឡើងកាលពីអំឡុង ខែមិថុនាឆ្នាំ២០២០ កន្លងមកនេះ ។ អាគារសិក្សាថ្មីនេះ មានកម្ពស់០៣ជាន់ ៦បន្ទប់ សាងសង់ឡើងដោយតភ្ជាប់ពីអាគារចាស់ ក្រោមការផ្តួចផ្តើមរបស់ រដ្ឋបាលស្រុកប្រាសាទបាគង គណៈគ្រប់គ្រងសាលា មាតាបិតាសិស្ស និងដោយមានការជួយជ្រោមជ្រែង ឧបត្ថម្ភគាំទ្រពីបណ្តាសប្បុរសជនផងដែរ។តាមការគ្រោងទុក បើសិនជាគ្មានការប្រែប្រួលទេ អាគារសិក្សាដែលកំពុងសាងសង់នេះ នឹងបព្ចាប់ការសាងសង់នាចុងខែកុម្ភៈឆ្នាំ២០២១ខាងមុខនេះហើយ។ក្នុងនាមអភិបាលស្រុក ខ្ញុំបាទ ពិតជារីករាយចំពោះសមិទ្ធិផលថ្មីដែលកំពុងកកើតឡើងនេះ និងសូមថ្លែងអំណរគុណចំពោះសប្បុរសជនដែលបានជួយ
បរិច្ចាគជាថវិកាចូលរួមសាងសង់អាគារសិក្សានេះតាមរយៈ រដ្ឋបាលស្រុក និងគណៈគ្រប់គ្រងសាលា រួមមាន៖-លោក ទិត ពុំ ជួយសាងសង់ ៤បន្ទប់-សហគមន៍សាលារៀន ២បន្ទប់-លោក ព្រៀន ប្រន ស៊ីម៉ង់៧តោន និងថវិកា ១,៦០០,០០០ រៀល-លោកស្រី ម៉ិល សុគង្គារ ថវិកា១,០០០,០០០ រៀល-លោក ផាត សុភា ថវិកា១,០០០,០០០ រៀល។ការរួមចំណែករបស់បងប្អូនសប្បុរសជនទាំងអស់ គឺជាការ រួមចំណែក ជួយដល់កិច្ចការកសាងធនធានមនុស្ស សម្រាប់សង្គមជាតិយើង អោយមានសេចក្តីសុខ និងភាពប្រសើរឡើង៕ដោយ៖ពិសី
