សៀមរាប៖សមត្ថកិច្ចបានឲ្យដឹងថា រថយន្តម៉ាក
Toyota Hilux បោះពួយពេញទំហឹឹឹឹឹឹឹឹឹឹឹឹងទៅបុកម៉ូតូ បណ្តាលឲ្យស្លាប់ម្នាក់នៅនឹងកន្លែង និងម្នាក់ទៀតរងរបួសធ្ងន់។ហេតុការណ៍បានកើតឡើងនៅថ្ងៃទី ១៦ ខែ ធ្នូ ឆ្នាំ ២០២០ នៅវេលាម៉ោង១៤ និង ៣០ នាទី ត្រង់ចំណុចមុខដីចំការ ឈ្មោះ អាង សំអាត ស្ថិតនៅភូមិចាន់ហៀរ ឃុំបឹងមាលា ស្រុកស្វាយលើ ខេត្តសៀមរាប។
សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះ បង្ក ឡើងរវាង រថយន្តនិងម៉ូតូ ទិសដៅផ្ទុយគ្នា។
រថយន្តម៉ាកToyota Hiluxពណ៌ស សេរីឆ្នាំ១៩៩៣ ពាក់ស្លាកលេខ ភ្នំពេញគ.១៨៥៣ភព២ អ្នកបើកបរឈ្មោះ រាំ ភារ័ត្ន ភេទ ប្រុស អាយុ២១ឆ្នាំ រស់នៅភូមិខ្វាវ ឃុំខ្វាវ ស្រុកជីក្រែង ខេត្តសៀមរាប បានបុកជាមួយម៉ូតូម៉ាកហុងដា ពណ៌ខ្មៅ សេរីឆ្នាំ ២០១៥ ស្លាកលេខ សៀមរាប ១T៤៨០៣ អ្នកបើកបរឈ្មោះ មី ស្រីពេជ្រ ភេទស្រី អាយុ២០ឆ្នាំ នៅភូមិចុងស្ពាន ឃុំខ្វាវ ស្រុកជីក្រែង (ស្លាប់នៅនឹងកន្លែងកើតហេតុ) បានពាក់មួកសុវត្ថិភាព និងអ្នករួមដំណើរ ឈ្មោះ អន ថុក ភេទស្រី អាយុ១៩ឆ្នាំ នៅភូមិចុងស្ពាន ឃុំខ្វាវ ស្រុកជីក្រែង(រងរបួសធ្ងន់ បានបញ្ចូនទៅមន្ទីរពេទ្យបង្អែកស្រុកសូទ្រនិគម)បានពាក់មួកសុវត្ថិភាព។ ក្នុងនោះខូចខាតរថយន្ត ១គ្រឿងស្រាល និងម៉ូតូ១គ្រឿងធ្ងន់។សមត្ថកិច្ចបញ្ជាក់ថា មូលហេតុ អ្នកបើកបររថយន្តបើកបរក្នុងល្បឿនលឿន ហើយបានរេចង្កូតទៅបុកម៉ូតូ។កម្លាំងនគរបាលជំនាញ បានចុះវាស់វែងនិងប្រគល់សាកសព ទៅអោយក្រុមគ្រួសារ។ ចំណែកវត្ថុតាង យកទៅរក្សាទុក នៅអធិការដ្ឋានម្នាក់
នគបាល ស្រុក ដើម្បីចាត់ការតាមនីតិវិធី៕ដោយ៖ស្រីកែវ
